Federata e Basketbollit të Kosovës (FBK) ka arritur një sukses të madh duke fituar tri projekte të rëndësishme nga FIBA Europe!
“Këto projekte janë të një rëndësie të veçantë dhe secila prej tyre do të ndihmojë në zhvillimin dhe promovimin e basketbollit në vendin tonë”, thuhet në njoftimin e FBK-së.
Sipas këtij njoftimi, për herë të parë FBK është përfituese e programit FIBA Europe Alley-Oop Funding Program, ndërsa në programin Her World Her Rules është që nga viti 2018, si dhe nga viti 2016 është pjesë e FIBA Europe Youth Development Fund.
Mundesh me e lexu edhe…
Her World Her Rules: Ky projekt synon të inkurajojë dhe të promovojë përfshirjen e vajzave dhe grave në basketboll. Duke ofruar trajnime dhe mundësi të reja, FBK synon të krijojë një mjedis mbështetës dhe motivues për basketbollistet.
FIBA Europe Alley-Oop Funding Program: Ky program do të sigurojë fonde për te përmirësuar infrastrukturën, kushtet e stërvitjes dhe lojës për basketbollistët e kategorisë 3×3 në Kosovë, dhe për promovimin e basketbollit 3×3 në të gjitha qytetet e Kosovës.
FIBA Europe Youth Development Fund: Me këtë projekt, FBK do të fokusohet në zhvillimin e talenteve të rinj në të dy konkurrencat, duke ofruar mundësi dhe resurse për të rinjtë që duan të ndjekin një karrierë në basketboll./Katror.info
Përgatiti:
