Këshilli i Pomfretit, në shtetin Vermont të SHBA-së, ka thënë se turistët po “shkaktojnë mungesë sigurie, po ndikojnë negativisht në ambient, estetikë dhe në kualitet të jetës”.
Ky vendbanim që ka më pak se një mijë banorë, është i famshëm në rrjetet sociale për fotografitë e shpërndara veçanërisht gjatë stinës së vjeshtës për shkak të imazheve fantastike që krijohen kur fillon ndërrimi i ngjyrës dhe rënia e gjetheve të drunjve. Për këtë arsye, gjatë viteve Pomfreti i Vermontit është shndërruar në qendër turistike të influencerëve.
Këshilli i qytezës Pomfret ka votuar që rrugët më të famshme, Cloudland dhe Barber Hill, të jenë të mbyllura për personat që nuk banojnë në atë zonë nga data 23 shtator deri më 15 tetor. Kështu, iu bllokohet qasja gjithë influencerëve që për të shkrepur foto e për të marrë pëlqime në rrjetet sociale kanë hyrë në pronat private e i kanë përshkruar si “Sleepy Hollow Farm”. Fotografitë dhe videot me pamje fantastike vjeshtore nga kjo zonë janë shpërndarë më shumë se 800 mijë herë në TikTok, e mijëra të tjera në Instagram.
@itskarolinag Sleepy Hollow farm review🥲 #vermont #newengland #fall #newenglandfall #EndlessJourney #golf ♬ original sound – Karolina
Në disa video në platformat online shihet se në hyrje të farmës shkruhet “Mos hyni, pronë private”. Por përkundër shenjës paralajmëruese, në videot e ndryshme duket se ata kanë hyrë brenda për të bërë fotografi.
Mundesh me e lexu edhe...
Para se të mirret vendimi për ndalim të influencerëve, banorët kanë pasur një fushatë që ka mbledhur mbi 15 mijë dollarë. Ata kanë thënë se influencerët që po vizitojnë vendbanimin e tyre po i dëmtojnë rrugët, po shkaktojnë aksidente, po shkelin nëpër kopshtet e mbjellura, po dëmtojnë pronën private, e madje kanë fyer rezidentët.
Megjithatë, Këshilli kësaj qyteze në SHBA nuk ka qenë tërësisht i pamëshirshëm ndaj influencerëve sepse atyre iu ka dhënë një këshillë: Gjeni vende piktoreske vjeshtore në ndonjë vend tjetër./katror.info
Përgatiti:
