Kontingjenti i Forcës së Sigurisë së Kosovës (FSK) i është bashkuar forcave partnere në ushtrimin ndërkombëtar “Winter EX 2025”, të udhëhequr nga Forcat e Armatosura të Republikës së Turqisë (FART).
Sipas njoftimit zyrtar, FSK është pjesë e këtij ushtrimi në kuadër të bashkëpunimit bilateral dhe si përgjigje ndaj ftesës së pranuar nga FART.
“Pjesëmarrja jonë në këtë ushtrim ka për qëllim ngritjen dhe avancimin e kapaciteteve operacionale dhe profesionale të njësive tona, si dhe forcimin e ndërveprueshmërisë në operacionet e përbashkëta me partnerët tanë,” thuhet në deklaratën e FSK-së.
Mundesh me e lexu edhe…
“Winter EX 2025” është një ushtrim shumëpalësh që përfshin vende partnere, agjenci të sigurisë, organizata qeveritare dhe joqeveritare nga Turqia.
Ndërsa thuhet se ushtrimi ka në fokus aspektet operacionale dhe taktike në kushte të motit ekstrem, duke u zhvilluar brenda kufijve territorialë të Turqisë.
Sipas njoftimit, ky aktivitet synon të forcojë bashkëpunimin ndërkombëtar dhe të rrisë gatishmërinë e pjesëmarrësve për operacione të përbashkëta në kushte të vështira. /Katror.info
Përgatiti:
