Fustani ikonë Christian Dior i veshur nga Elizabeth Taylor në Oscars 1961 u gjet së fundmi në një valixhe të vjetër së bashku me disa sende të tjera të modës. Fustanin Elizabeth ia kishte dhuruar një miku të mirë të familjes, i cili e kishte ruajtur në valixhe. Tani ai i nxjerr ato në ankand në bashkëpunim me ‘Kerry Taylor Auctions’.
Taylor kishte veshur krijimin e Dior në të njëjtën natë që fitoi Oscarin për ‘Aktoren më të Mirë’ për filmin e vitit 1960 ‘Butterfield 8’ dhe e kishte përshkruar fustanin si ‘ sharmi i saj me fat ‘.
Ylli ia kishte dhuruar fustanin së bashku me disa pjesë nga garderoba mikes së saj Anne Sanz, gati dhjetë vjet pas Oscars. Ndërkaq, koleksioni prej 15 fustanesh i yllit të ndjerë do të dalë në ankand në Londër më 6 dhjetor. Menaxheri Kerry Taylor tha:
Familja më kontaktoi për këtë koleksion të cilin e mbajtën në një valixhe të madhe në një dhomë. Ato nuk janë prekur shumë, kështu që janë në gjendje të përsosur. Kishte disa pjesë që Anne kishte veshur, por ajo nuk kishte provuar asnjë fustan Haute Couture. Nuk mund ta besoja kur i pashë të gjitha. E njoha menjëherë fustanin Soir e Rio, por mendova se ishte tashmë në koleksionin e Dior. Ata kishin bërë një kopje dhe unë i kontaktova për t’u thënë: ‘Kam frikë se nuk e ke origjinalin sepse e kam unë’.
Përgatiti:
