18-vjeçari Dijon Kameri është duke vazhduar shkëlqimin në Austri te RB Salzburg dhe tani mediumi i njohur “Goal” ka shkruar për duke e krahasuarme yllin e Manchester Unitedit, portugezin Bruno Fernandesh.
Mesfushori me prejardhje nga Kosova ka fituar vendin në ekipin e parë të kampionit aktual të Austrisë, Salzburgut, dhe është duke shkëlqyer me paraqitje të mira te skuadra austriake.
Si nisi rrugëtimi i tij?
I rritur në Austri nga prindër shqiptar nga Kosova, talenti i Kamerit u pa në turneut e shkollave në moshën shtatëvjeçare.
Mundesh me e lexu edhe…
Skoutët e Salzburgut e panë kualitetin e tij dhe arritën ta bindin t’i bashkohet akademisë së klubit në vitin 2012.
Kameri që kishte interesim të madh nga klubet evropiane gjatë viteve të fundit, debutoi me moshat U18 si 16-vjeçar në fillimin e sezonit 2020/21.
Ai pastaj ishte edhe kapiten i kombëtarës së Austrisë U17, duke fituar çmimin si talenti më i mirë i asaj gjenerate.
Si është duke u zhvilluar?
Kameri nuk është që priti shumë për të bërë debutimin në ekipin e parë dhe siguroi se duhet të kujtohet duke shënuar dhe asistuar brenda 24 minutave në paraqitjen ndaj Austria Lustenau me 17 gusht.
Vetëm disa ditë më vonë, realizoi një eurogol në Kupën e Austrisë dhe fitoi besimin e trajnerit Matthias Jaissle.
Ky besim u shpërblye kur Kameri nisi në një ndeshje të Ligës së Kampionëve, duke u bërë futbollisti i dytë më i ri “austriak” që u aktivizua në garën më prestigjioze të futbollit evropian pas pas David Alabasë.
Për cilën kombëtare do të luaj në të ardhmën, për Kosovën apo Austrinë?
E nëse mbërrijmë në këtë pikë, Kameri në një deklaratë së fundmi la të hapur mundësitë që të pranojë të luajë për të dy kombëtaret.
Përzgjedhësi i Austrisë, Ralf Rangnick ka paralajmëruar që Kameri mund të ftohet në ekipin e parë.
“Kameri është duke luajtur vërtet mirë. Nuk do të befasohesha nëse do të ishte titullar absolut te Salzburg edicionin tjetër. Nëse ia del, do të ishte vërtet interesant për kombëtaren”, deklaroi ai në shtator.
Sidoqoftë, edhe nga Federata e Futbollit të Kosovës (FFK) thonë se negociatat janë shumë pozitive.
“Po ka mundësi që ai (Dijon Kameri) të vijë te Kosova. Kontakte me lojtarin kemi pasur më herët, por vazhdojmë të kemi. Bisedimet e fundit kanë qenë shumë pozitive. Është mirë që lojtari po lavdërohet tani, luan edhe në Ligën e Kampionëve. Zgjedhja e fundit do t’i takojë atij”, kishte deklaruar drejtori Muharremi Sahiti muajin e kaluar.
Bruno Fernandesh i ardhshëm?
Edhe pse ende nuk ka krahasime të shumta, mënyra si luan Fernandesh, është loja që e karakterizon edhe Kamerin.
Të dy janë të përshtatshëm për skuadrat që kryesisht kundërsulmojnë, por gjithashtu mund të futen në skuadrat e bazuara në zotërimin e topit, Kameri ka padyshim mjetet e papërpunuara për të arritur dhe kaluar Fernandeshin gjatë zhvillimit të mëtutjeshëm të tij.
Sidoqë të jetë, ekspertët e futbollit janë të besimit se karriera e Kamerit në të ardhmën do të jetë tejet e bujshme dhe neve na mbetet të shpresojmë se në garat ndërkombëtare do të vendos ta përfaqësojë kombëtarën e Kosovës./Katror.info
Përgatiti:
