Kamomili është një nga çajet më të përhapur në botë. Ky çaj ka aftësinë të ndihmojë trupin dhe organizmin të qetësohet. Kamomili shqiptar është një nga bimët mjekësore më të fuqishme, si pasojë e klimës dhe cilësisë së tokave ku rritet në gjendje të egër, shrkuan agroweb.
Sipas studimeve mjekësore, më shumë se një milionë filxhanë me çaj kamomili konsumohen çdo ditë në të gjithë botën. Jo më kot kamomili është një nga çajet më popullorë edhe në Shqipëri.
I kombinuar me qumësht dhe me pak mjaltë, çaji i kamomilit ngroh gjithë organizmin ndërsa fal qetësi mendore dhe shpirtërore.
Mundesh me e lexu edhe…
Pse duhet të shtoni qumësht në çajin tuaj?
Qumështi i shtuar në çaj lidhet mjaft mirë me disa nga përbërësit e kamomilit duke shtuar vlerat për shëndetin.
Sa qumësht duhet të shtoni?
Në fakt nuk ka udhëzime të caktuara ose sugjerime se sa qumësht duhet t’i shtoni ndonjë çaji të veçantë. Kjo varet, më shumë se çdo gjë, nga shija juaj personale.
Megjithatë, shumica e çajet nuk kërkojnë shumë qumësht. Në përgjithësi, filloni duke shtuar një lugë gjelle qumësht në gotën e çajit, pasi e keni zierë e kulluar. Përziejeni dhe shijoni çajin tuaj. Nëse është e nevojshme, shtoni nga një lugë gjelle qumësht deri sa t’ju pëlqejë.
Përgatitja
Përbërësit
- 1 gotë ujë
- 2 lugë kamomil
- Qumësht
- Mjaltë nëse dëshironi
- Një shkop kanelle
Udhëzime
Ujin ku keni hedhur kamomilin e thatë vendoseni të ziejë. Hidhni brenda një shkop kanelle. Më pas kullojeni. Shtoni pak e nga pak qumështin sipas shijes suaj. Shtoni mjaltë nëse dëshironi.
Vlerat për shëndetin
Thithja e avullit që përmban ekstrakte kamomili zbut problemet e shkaktuara nga infeksioni i rrugëve të sipërme të frymëmarrjes.
Konsumoni kamomil për të ulur nivelin e stresit. Kamomili përmban apigenin, një përbërës që ka efekte që luftojnë ankthin.
Konsumimi i çajit të kamomilit rrit komplekset antibakterialë në trup dhe rrit imunitetin.
Përgatiti:
