Kupa e Botës është një ngjarje si sportive, ashtu edhe festë ndërkombëtare – dhe për shumë tifozë, alkooli luan një rol të madh. Kjo ka qenë e vërtetë në stadiumet dhe në baret që hapen herët ose qëndrojnë të hapura vonë për të shfaqur ndeshjet.
Por Kupa e Botës 2022 në Katar nuk është si ato të mëparshmet. Vetëm dy ditë përpara ndeshjes së parë të turneut në shtetin mysliman, zyrtarët bënë njoftimin e papritur se tifozët nuk do të lejohen të pinë birrë në tetë stadiumet e Kupës së Botës-një devijim nga politika e shpallur më herët.
Ligjet për kufizimin e alkoolit në Katar janë mjaft të ashpra,, me agjentët doganorë që kanë urdhër për të konfiskuar çdo pije alkoolike që vizitorët përpiqen të sjellin në vend.
Mundesh me e lexu edhe…
Është një nga shumë përplasjet kulturore dhe çështjet e mundshme ligjore me të cilat tifozët mund të përballen në Katar, veçanërisht nëse udhëtojnë nga shoqëri më të hapura.
Ky Botëror do të jetë më i “thatë”
Për të kuptuar se sa është dramatik ndryshimi në Katar, vetëm kujtoni se si FIFA i bëri presion Brazilit me sukses që të ndryshonte ligjet e tij federale për të lejuar shitjen e alkoolit në stadiumet e tij, përpara se të organizonte Kupën e Botës në vitin 2014 – duke anuluar ndalesen që ishte miratuar për të ndaluar alkoolin, për shkak të dhunës në stadiumet në vend.
“Pijet alkoolike janë pjesë e Kupës së Botës të organizuar FIFA, kështu që ne do t’i kemi ato në stadiume,” tha Sekretari i atëhershëm Përgjithshëm ii FIFA-s Jerome Valcke në vitin 2012. “Më falni nëse tingëlloj pak arrogant, por kjo është diçka që nuk do ta negociojmë”.
Por kjo ishte atëherë. Në Katar, tifozët nuk do të kenë qasje në alkool gjatë ndeshjeve. Vetëm spektatorët në suitat luksoze të nivelit të lartë të stadiumeve do të kenë qasje të lehtë në pije alkoolike. Jashtë stadiumeve, tifozët mund të pinë në hapësira të veçanta grumbullimi të Kupës së Botës, ose në restorante, bare dhe hotele të licencuara në të gjithë vendin.
Në përgjithësi, konsumimi publik i alkoolit është i paligjshëm në Katar – një shkelje që mund të sjellë deri në gjashtë muaj burg dhe një gjobë prej më shumë se 800 dollarë, sipas Bibliotekës së Kongresit. Çdokush që kontrabandon alkool në vend mund të përballet me deri në tre vjet burg, tha agjencia.
Tifozët përballen me kufizime fetare
Islami është feja zyrtare në Katar – dhe kushdo që dyshohet se është duke bërë propagandë për fe të tjera ose duke kritikuar Islamin “mund të ndiqet penalisht”, tha Departamenti amerikan i Shtetit, në një udhëzues rreth Katarit për vizitorët e Kupës së Botës.
Gjithashtu nuk është e sigurt të supozohet se mund ta praktikoni besimin tuaj hapur: “Katari lejon disa praktika fetare jomuslimane në zona të caktuara si Kompleksi Fetar i Dohas, por nuk janë të akomoduara në mënyrë të barabartë të gjitha besimet në këtë vend”, njoftoi State Departmenti amerikan.
Përveç kufizimeve të importit për alkoolin dhe pornografinë, “udhëtarët nuk mund të sjellin produkte derri” në vend, tha Departamenti i Shtetit në një video në lidhje me ligjet e Katarit.
Fjala publike është gjithashtu e kufizuar
Fjalimet që konsiderohet kritike ndaj qeverisë së Katarit mund të nxisin gjithashtu arrestime. Këto ligje zbatohen si për fjalët e folura, ashtu edhe për postimet në mediat sociale.
Dhe përderisa në Kupat e Botës në të kaluarën kanë përjetuar skena të turmave rivale duke bërtitur apo edhe duke kënduar dhe fyer njëra-tjetren – konfliktet e hapura mund të sjellin probleme të mëdha në Katar.
“Për shembull, debati ose ofendimi i të tjerëve në publik mund të çojë në arrestim”, thuhet në videon këshilluese të Departamentit të Shtetit.
Seksi dhe çështjet tjera sociale
“Homoseksualiteti është i kriminalizuar në Katar”, thekson Departamenti i Shtetit.
“Avokatët thonë se personat që i përkasin komunitetit LGBTQ në Katar i nënshtrohen terapisë së bisedave, ngacmimeve nga autoritetet dhe burgosjes”, thotë Becky Sullivan e NPR në përmbledhjen e saj të polemikave që rrethojnë vendin mikpritës.
Raporte të tilla kanë nxitur zemërim dhe autoritetet do të jenë nën vëzhgim për mënyrën se si do të trajtojnë tifozët dhe simbolet LGBTQ.
Vizitorët në Katar gjithashtu mund të përballen me dënime të ashpra për “veprime të pahijshme dhe akte të marrëdhënieve seksuale jashtë martesës”, vuri në dukje Biblioteka e Kongresit, duke cituar ligjin e Katarit.
Dënimet variojnë nga një gjobë ose gjashtë muaj burgim për këdo që zbulohet se ka kryer veprime ose gjeste të “pamoralshe” në publik, e deri në shtatë vjet burg për dikë që kryen marrëdhënie seksuale jashtë martesës. Sipas Bibliotekës së Kongresit, shthurja publike mund të sjellë gjithashtu një dënim deri në tre vjet burg.
Nëse një tifoze shtatzënë shkon në Katar për Kupën e Botës, ajo duhet të jetë të përgatitur të tregojnë një certifikatë martese nëse kanë nevojë për kujdes prenatal atje, tha Departamenti i Shtetit.
Pavarësisht temperaturave të larta, tifozët do të duhet të mbulohen
Vapa ekstreme e Katarit e detyroi turneun të kalonte nga vera në nëntor dhe dhjetor – por tifozët që vlerwsojnë se është nxehtë duhet të kufizojnë sasinë e lëkurës që shfaqin.
Kodet e veshjes në shumë zona publike kërkojnë që “si burrat ashtu edhe gratë të mbulojnë shpatullat, gjoksin, stomakun dhe gjunjët dhe që dollakat e ngushta të mbulohen nga një këmishë ose fustan i gjatë,” tha Departamenti i Shtetit.
Ashtu si me alkoolin, standardet e veshjes shpesh ndryshojnë sipas shkallës që një lagje ose vend kujdeset për të huajt.
Përgatiti:
