Fillimi i çdo jave asht i vështirë e besa nganjiherë tejet i lodhshëm, sidomos kur e kthen krytë nga dritarja, e para syve e ke nji pamje t’zymtë, pa rreze dielli e që nënkupton që nime sezona e vjeshtës ka ardhë edhe s’e ka ndërmend me ikë nji herë për nji herë. Megjithatë, njeri duhet me ja zbukuru pak vehtës gjanat e besa edhe duhet me ditë se qysh me marrë vehten pak me t’mirë.
Ku paramendohet vjeshta pa nji çokollatë t’nxehtë n’nji mbasdite pune? S’paramendohet de – qata e kemi gjetë recetën prej ma t’thjeshtave e ma t’mirave, që ti me mujtë n’5 hapa me e përgatitë e shiju.
PËRBËRËSIT:
1 gotë qumësht
1 lugë gjelle nisheste
35 gr copëza çokollate (t’zezë nëse e don ma pak t’ambël, ose t’qumështit nëse ke qejf pak ma t’ambël)
1 majë gishti kripë
Shllag (opsionale)
Mundesh me e lexu edhe…
HAPI 1:
Merr 3 ugë gjelle qumësht dhe vendosi n’nji enë t’vogël bashk me nisheste. Përziji mirë deri sa nishestja t’shpërbahet plotësisht dhe qumështi t’trashet.
HAPI 2:
Shto qumështin n’nji tenxhere dhe zije për 3 minuta. Shto mixin me qumësht e nisheste dhe përzije qumështin mirë dhe shtoja kripën. Kripa e ndihmon me u balancu shija e çokollatës.
HAPI 3:
Shto copëzat e çokollatës n’tenxheren me qumështi e vlum. Përzije masën vazhdimisht deri sa t’shkrihet çokollata tanësisht e deri sa t;fillon me u trashë masa. Kujdes, masa duhet me qenë as shumë e langshme, por as shumë e trashë – meqë kur ftohet pak trashet vet.
HAPI 4:
Servoje çokollatën e nxehtë n’filxhanin a gotën tande ma t’preferume.
HAPI 5:
Ok, ky hap asht plotësisht opsional, por, ne definitivisht ta rekomandojmë. Shto shllag sipër çokollatës t’nxehtë, e nëse ke qejf shto sipër pak kanellë (cimet) ose thërrmija çokollate për ekstra shije. Shijo!
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram: https://www.instagram.com/gurmaneria/
Përgatiti:
