Bashkimi Evropian ka rikonfirmuar se do të liberalizohen vizat për Kosovën teksa u tha se ky vendim nuk do të kthehet prapa dhe se shtetet individuale nuk mund të vendosin për pezullim të liberalizimit të vizave.
“Shtetet Anëtare individuale nuk mund të vendosin të pezullojnë një regjim pa viza. Rregullat në lidhje me dhënien, pezullimin ose përfundimin e përjashtimeve të vizave janë plotësisht të harmonizuara në nivel të BE-së dhe kërkojnë vendime në nivel të BE-së”, thuhet në përgjigjen për RTV Dukagjini.
Ndër të tjera, nga BE kanë theksuar se liberalizimi i vizave do të hyjë në fuqi më 1 janar 2024.
Mundesh me e lexu edhe...
“Liberalizimi i vizave për mbajtësit e pasaportave të Kosovës do të hyjë në fuqi më 1 janar 2024. Ai do t’u mundësojë qytetarëve të Kosovës të udhëtojnë në BE pa viza për 90 ditë në çdo periudhë 180 ditore. Komisioni kishte vlerësuar që nga korriku 2018 se Kosova i përmbush të gjitha standardet e Udhërrëfyesit për Liberalizimin e Vizave. Kosova ka punuar vazhdimisht për të përmbushur standardet”, thuhet tutje. /Katror.info
Përgatiti:
