Shqiptarët mbeten kryesisht tradicionalë për ta kaluar në shtëpi natën e ndërrimit të viteve. Megjithatë, të shumtë janë edhe ata të cilët kanë vendosur që vitin e ri ta presin jashtë vendit.
Operatorët turistikë thonë se destinacionet më të kërkuara janë vendet e rajonit, qytetet e mëdha europiane dhe Dubai.
“Numrin më të madh të klientëve për momentin e ka Ulqini, me paketë dy ditore, nata e vitit të ti dhe 1 janari. Ndërkohë lëvizje me numra të mëdhenj ka edhe në Dubai, në Stamboll në destinacione të tjera si Parisi, Barcedlonë, Firence, në Madrid, Vjenë, Budapest”, thotë Besnik Vathi, operator turistik, për Gazetën Dita.
Mundesh me e lexu edhe…
Numri i qytetarëve që kanë rezervuar jashtë për fundvit është më i ulët se për festat e nëntorit, por më i lartë se në vitin 2019, përpara pandemisë.
“Bëhet fjalë për lëvizje me numër më të madh sesa viti i fundit para pandemisë 2019, ka një rritje, por në krahasim me festat e nëntorit është lëvizje më e ulët sesa për festat e nëntorit. Ndoshta edhe sepse u konsumuan udhëtimet dhe pushimet”, tregon ai.
Rezervime të shumta ka edhe nga shqiptarët e Kosovës, për shkak të numrit më të madhe të fluturimeve.
“Shqiptarët e Kosovës ka vite që janë pjesë e organizimeve që bëjmë ne duke u bashkuar me turistët nga Shqipëria, madje edhe nga Mali i Zi, sidomos në udhëtimet me avion sepse nga Shqipëria është më e mundshme të fluturohet në disa destinacione”, thotë Vathi.
Destinacioni më i kërkuar në Shqipëri për të kaluar festat është Korça.
Prenotimet janë bërë disa muaj më parë në Korçë dhe tashmë nuk gjenden vende të lira në hotelet e qytetit juglindor apo në zonat përreth si Dardha apo Voskopoja.
Xhimi Lama, kryetar i Tour Operatorëve thekson se ky qytet ofron një atmosferë shumë festive dhe për këtë preferohet për festat e fundvitit.
Edhe resortet e Durrësit janë prenotuar në masë për të kaluar ditët e ndërrimit të viteve.
Por ka edhe shqiptarë që kanë zgjedhur të udhëtojnë jashtë vendit për të festuar./Katror.info
Përgatiti:
