Kori ‘Siparantum’ do të marrë pjesë në konkursin më të madh të muzikës korale në botë ‘World Choir Games’ që do të zhvillohet në Korenë Jugore në korrik të vitit 2023. Por, për të arritur këtë ëndërr, kori ‘Siparantum’ ka kërkuar donacione në mënyrë që pjesëtarët e tij të mund të marrin pjesë në këtë garë.
“Me kënaqësi ju njoftojmë se Kori Siparantum do të marrë pjesë në konkursin më të madh të muzikës korale në botë, World Choir Games, që do të zhvillohet në Korenë Jugore në korrik të vitit 2023. Ne do të përfaqësojmë vendin tonë, Kosovën, për herë të dytë në këtë garë, me synimin që të vazhdojmë suksesin e arritur më herët. Në vitin 2021, Kori Siparantum triumfoi në Lojërat Botërore të Korit në Belgjikë, duke fituar kategorinë e “Muzikës Contemporanea” dhe marrë vendin e parë dhe diplomën e artë. Kjo na bëri shumë krenarë dhe ju falënderojmë për mbështetjen tuaj të vazhdueshme!,” thuher në njoftimin në Facebook.
“Pas një vonesë prej një viti, Lojërat Botërore të Korit do të kthehen në Korenë Jugore në vitin 2023, me Gangneung-un zgjedhur si qytetin pritës. Ne jemi në përpjekje të palodhshme për të përsëritur suksesin e mëparshëm dhe dëshirojmë më shumë se kurrë të prezantojmë kulturën dhe vendin tonë në nivelin më të lartë të mundshëm. Kori Siparantum ka treguar një performancë të jashtëzakonshme në këtë drejtim. Për të realizuar këtë ëndërr, ne kemi nevojë për përkrahjen tuaj. Donacionet tuaja janë thelbësore për të bërë këtë ëndërr realitet,” thuhet në njoftimin e Korit Siparantum, i cili edhe ia ka dhënë detajet se ku mund të bëhen donacionet.
Mundesh me e lexu edhe…
“Bashkohuni me ne në fuqizimin e këtyre artistëve të talentuar duke dhuruar sot. Mund të na kontaktoni në [email protected] për të marrë pjesë në këtë përpjekje,” thuhet në njoftim. /Katror.info
Përgatiti:
