Ku ka ma mirë se me lexu libra?- Me t’i pru falë midis shehrit
Dashnia e madhe për leximin edhe të shkrumit, e ka shty juristen Xhezide Selimin me i shndërru kabinat e papërdoruna telefonike të Vitisë e Ferizajt në mini biblioteka për lakmi. Idenë e vet briliante po ja mbështesin njerëzit vullnetmirë që po dhurojnë llibra e po huazojnë libra me i lexu.
Xhezidja kish mujtë me u vetkënaqë, por duket se nuk e ka nijet pa i pajisë krejt qytet e Kosovës që mbërrin me mini biblioteka. Ideja i ka ardhë t’u pa që në vende të tjera nëpër botë ka mijëra biblioteka të tilla edhe ka dashtë me i pa edhe në Kosovë.
Mundesh me e lexu edhe...
“Gjithmonë duhet me ekzistu iniciativa për punë të mira, e çka ndodhë tutje dhe si vazhdon kjo nuk na mbetet neve me gjyku qysh në fillim se duhet me fillu një inciativë për me pa se qysh po shkon tutje. Në Viti e kam pa një kabinë telefoni që ka qenë e vendosur në shesh të Vitisë, i ka taku një kafiterie në Viti. E kam pa se nuk ka ndonjë funksion, vetëm aty po qëndron dhe ideja ke me mbushë me libra”, thotë ajo.
Hiç pa hupë kohë Xhezidja morri leje prej Komunës së Vitisë për me i taku 1 metër katror hapësirë për bibliotekë publike të cilët e mbështetën, shkrimtarët, krijuesit dhe njerëzit e tjerë. Duke e pa suksesin e minibibliotekës së parë në Viti, vendosi që nismën me zgjeru edhe në qytetin e Ferizajt, ku gjeti përkrahjen të parezervë.
“Këtu në Ferizaj kam pasur një bashkëpunim të sinqertë dhe të dashur me zonjën Zyrafete Shala që ka sjellë libra nga klubi letrar i saj, mirëpo edhe Ars klubi “Beqir Musliu” ka sjellë libra këtu, mirëpo edhe shkrimtarë individualë që nuk kanë marrë pjesë të gjithë sot mirëpo në ditët në vazhdim pritet me i sjell librat”, thotë ajo.
Ndër njerëzit që pa pikë hezitimi ia solli dhjetëra libra kësaj biblioteke qe Zyrafete Shala- kryetare e klubit letrar “De Rada” në Ferizaj që daton nga viti 1971 dhe është shumë aktiv me botime, konkurse, odë të librit, panaire e aktivitete të ngjashme.
“Kjo bibliotekë është shumë e mirëseardhur për ne dhe është si të them një përkrahje, një mbështetje edhe e aktiviteteve të klubit tonë që e kanë të njëjtin synim që ta ngritin vëmendjen e qytetarëve që të lexojnë më shumë, të jenë më afër librit. Do të thotë kjo është e mirëseardhur, shpresoj shumë që do të ketë ndikim edhe është e pamundur një iniciativë sado e vogël të na duket ajo do ta ketë efektin e vet, nëse jo menjëherë një reaksion të fuqishëm gradualisht do të ndikojë në vetëdijen e qytetarëve dhe kjo është shumë e nevojshme, për popullin tonë veçmas, ” thotë Shala.
Ajo bibliotekës më të re që ia ndreqi pamjen qytetit të Ferizajt i dhuroi mbi dhjetëra kopje me libra.
Xhezidja kallxon se dashnia për punë vullnetare i lindi duke qenë lexuese e librit dhe thotë se asgjë më shumë nuk do si vullnetare sesa të ketë lexues. E duke qenë kaq pasionante sa është, në secilin libër me shkrim dore lexuesit i ka njoftu lexuesit që libri i takon bibliotekës publike të qytetit dhe duhet me kthy pas leximit.
Edhe bashkëqytetarët e Xhezides patën një super vlerësim për iniciativën që librat ua solli aq pranë për çka dhe vlerësojnë se nuk ka mënyrë më të mirë sesa leximi për ta kalu kohën e lirë./Katror.info
Edicionin #2 të plotë e gjeni KËTU 🙂
Kliko këtu dhe bonja Follow/pëlqeje Katror.info për me pa veç Lajme të Mira!
Përgatiti:
