Kafeneja “The Magic”, e cila u hap në Budapest, i kushtohet botës magjike të Harry Potter.
“Ti je një magjistar, Harry.” Këto fjalë ndryshuan jetën e magjistarit të ri Harry Potter dhe jo shumë kohë më pas ai u drejtua në Shkollën e Magjisë në Hogwarts, takoi miqtë e tij më të mirë Ron dhe Hermione dhe filloi aventurën e tij.
Shumë adhuruesve të Harry Potterit kjo kafene-restorant në Budapest do t’ju japë një përvojë po aq të mirë, kështu që të paktën do të ndihen sikur të jenë në Hogwarts.
Mundesh me e lexu edhe...
Kafeneja është në dy kate dhe tërësisht, në mënyrë autentike pasqyron atmosferën nga romani i famshëm, pra edhe atë të filmave dhe ndodhet në lagjen e 6-të të Budapestit, në rrugën Hajós.
Nga ambienti i brendshëm, i cili është plot me dekorime spektakolare të frymëzuara nga Hogwarts, tek koleksioni i pasur i veshjeve të personazheve të famshëm të kësaj serie librash, te fshesat e varura në mure dhe deri te gotat për ilaçet magjike, nuk ka asnjë detaj të vetëm këtu që nuk është plotësisht e frymëzuar nga bota e Harry-t, dhe gjithashtu do të kënaqeni nga fakti që menuja është e përbërë në të njëjtën frymë.
Në restorantin “The Magic” mund të pini pije që tymosin si pije magjike, pra nga to del tym, si dhe mund të provoni burgerin Dragon Fire, waffles Orc Treat ose cheesecake Sweet Mandragora.
Përveç këtij kafe-restoranti, në lagjen Óbuda ka edhe një kafene tjetër në frymën e Harry Potter-it e quajtur “Flying Broom”, ose në gjuhën hungareze “Repülő Seprű”, dhe ofron gjithçka që ëndërrojnë adhuruesit e magjistarit të ri.
Kur të hyni në këtë kafene magjike, fillimisht do të vini re njerëz me uniforma të Gryffindorit dhe duke pirë kafe, birrë ose një nga pijet që ndryshojnë ngjyrën, do të vini re edhe dekorime të ndryshme që mund t’i shihnit në filma nga rrobat, gazetat, dragonjtë ,bufat, deri te shkopi magjik i Albus Dumbledorit.
Përveç kësaj, kafeneja ofron edhe lojëra të shumta tavoline dhe kuize, të cilat vetëm sa do ta përmbushi qëndrimin tuaj atje.
Pagesa mund të bëhet vetëm me para në dorë dhe rekomandohet që të rezervoni një tavolinë paraprakisht për të siguruar një vend.
Këto kafene magjike janë një parajsë e vërtetë e vogël për çdo adhurues të Harry Potterit. /Katror.info
Përgatiti:
