Medalistja e parë e artë kosovare, Majlinda Kelmendi, është intervistuar së fundmi nga Federata Ndërkombëtare e Xhudos, në episodin e dytë të serisë ‘Legends’, ku ka rrëfyer rrugëtimin e saj plot sfida drejt suksesit.
E lumtur që u bë e para e cila i solli Kosovës të artën në lojëra ndërkombëtare, edhe një herë ajo ka shpjeguar forcën e brendshme e cila e ka udhëhequr drejt këtij suksesi të madh.
‘’Që nga medalja e parë, në Kosovë më shohin si heroinë dhe kjo më nxit që t’i bëjë ata krenarë edhe me tej’’, thotë ajo në këtë intervistë.
Mundesh me e lexu edhe…
Nga stërvitjet e pandalshme që nga fëmijëria, e deri tek mposhtja e kampionëve tjerë botërorë, ndonjëherë edhe me aftësi të përgjysmuar fizike, Majlinda shpalos ambiciet dhe vetëbesimin e paluhatur në kapacitetin e saj.
‘’Në Semi Finale, kur po përballesha me Nakamura, kampionen nga Japonia, isha shumë e emocionuar. Ajo ka qenë idoli im për shumë vjet, dhe tani po luftoja me të. Sado që përpiqesha të relaksohesha, nuk mundesha, sepse qetësia e saj dhe konfidenca më bënin edhe më nervoz. Dora ime e majtë nuk ishte as 50% funksionale, por unë gjithmonë isha optimiste.
‘’Në rregull kam krahun tim të djathtë’’, po thoja. Pra ishte forca mendore ajo që më ndihmonte më shumë mendoj’’, është shprehur Kelmendi.
Në këtë intervistë, Majlinda komenton disa nga fotografitë e momenteve të saja ikonike gjatë dhe pas ‘luftimeve’ në lojërat ndërkombëtare.
‘’Pas çdo fitoreje ai qan shumë’’, shprehet rreth njërës nga fotografitë ku shfaqet me trajnerin e saj Driton Kukën, të cilit ia dedikon suksesin e saj të parreshtur.
Majlinda Kelmendi është kampione olimpike, kampione e dyfishtë bote, katër herë kampione evropiane. Ajo fitoi shpërblimin më të lartë në çdo nivel për punën e saj të palodhur./Katror.info
Përgatiti:
