Mali Everest është rritur me rreth 15 deri në 50 metra në 89,000 vitet e fundit dhe po rritet çdo vit. Tani, shkencëtarët thonë se kjo është për shkak se sistemi ujor i malit ka hasur në një lum.
Kur lumi Arun u bashkua me një tjetër aty pranë, shtegu i ri krijoi grykën e thellë të Arunit pranë Everestit.
Tani, rrjeti i lumenjve është rreth 74 kilometra larg malit, duke bërë që ai të ngrihet deri në dy milimetra çdo vit, shkruan skynews, përcjell Telegrafi.
Mundesh me e lexu edhe...
“Mali Everest është një mal i jashtëzakonshëm mitesh dhe legjendash dhe është ende në rritje”, tha studenti Adam Smith nga UCL Earth Sciences.
“Hulumtimi ynë tregon se ndërsa sistemi i lumit aty pranë prehet më thellë, humbja e materialit po bën që mali të ngrihet më lart”, shtoi Smith.
Bëhet e ditur se mali më i lartë në Tokë, mali Everest, është 8,849 metra i lartë dhe ngrihet rreth 250 metra mbi majën tjetër më të lartë në Himalaje.
Sot, lumi Arun dhe gryka që ai ka krijuar, kalojnë nëpër rajonin malor në lindje të Everestit dhe bashkohen në rrjedhën e poshtme me sistemin më të madh të lumit Koshi.
Aventurierët që shkojnë në kampin bazë të famshëm të Everestit shpesh kalojnë pjesë të Koshit në rrugën e tyre.
Gjatë mijëra viteve, lumi Arun ka larë tokën dhe sedimente përgjatë brigjeve të tij, duke krijuar grykën e thellë.
Ndërsa sasia e madhe e sedimentit është larguar, toka është bërë më e lehtë dhe korja e Tokës është shtyrë ngadalë, duke çuar në rritjen e Everestit – është një proces i quajtur rikthim izostatik.
Ndryshe, rritja nuk është unike për Everestin, ajo prek edhe male tjera duke përfshirë Lhotse dhe Makalu, majat e katërta dhe të pesta më të larta në botë./Katror.info
Përgatiti:
