Milani nuk ka hequr dorë nga ideja për të sjellë Granit Xhakën në “San Siro”. Sipas raportimeve nga mediat pranë klubit italian, drejtori sportiv Igli Tare po punon intensivisht për të arritur një marrëveshje me Bayer Leverkusenin.
Klubi italian kishte paraqitur një ofertë prej 10 milionë eurosh javën e kaluar, por kjo nuk u pranua nga kampioni gjerman, i cili kërkon rreth 16 milionë euro për mesfushorin shqiptar.
Në ditët në vijim pritet që Milani të paraqesë një ofertë të re, që mund të përfshijë edhe bonuse për të përmbushur kërkesat e Leverkusenit. Atmosfera është pozitive, dhe marrëveshja duket se varet vetëm nga një kompromis financiar me klubin gjerman.
Mundesh me e lexu edhe…
Xhaka ka qenë një nga figurat kyçe të sezonit të suksesshëm 2023/24 të Leverkusenit, duke luajtur 99 ndeshje dhe ndihmuar ekipin të fitojë titullin e parë në Bundesliga. Ai ka kontratë me klubin deri në vitin 2028./Katror.info
