Duke shijuar një filxhan kafeje ndërsa lexoni këtë? Nëse po, mund të konsideroni të ushtroni pas 30 minutash.
Një studim i vogël i zhvilluar në Spanjë tregoi se konsumimi i një kafeje të fortë gjysmë ore para ushtrimeve aerobike mund të rrisë ndjeshëm aftësinë e trupit për të djegur yndyrë, një proces i njohur si shkalla maksimale e oksidimit të yndyrës (MFO).
Përfitimi maksimal nga efekti i kafesë
Mundesh me e lexu edhe…
Studimi, i realizuar nga shkencëtarët e Universitetit të Granadës, përfshiu 15 burra aktivë me një moshë mesatare prej 32 vjeç. Sipas raportimit të New Atlas, pjesëmarrësit kryen katër seanca të ndryshme ushtrimesh aerobike, të ndara me nga shtatë ditë nga njëra-tjetra. Ata morën një dozë kafeine të barasvlershme me një kafe të fortë ose një placebo, ose në orën 8 të mëngjesit ose në orën 5 të pasdites, dhe më pas nisën stërvitjen 30 minuta më vonë.
Për të matur shkallën e oksidimit të yndyrës gjatë ushtrimeve, studiuesit përdorën një teknikë të quajtur kalorimetri indirekte. Rezultatet treguan se ata që kishin konsumuar kafe të fortë para ushtrimeve djegën më shumë yndyrë, transmeton Katror.info.
“Rezultatet e studimit tonë treguan se konsumimi i menjëhershëm i kafeinës, 30 minuta para një testi aerobik, rriti djegien maksimale të yndyrës gjatë ushtrimeve, pavarësisht orës së ditës,” shpjegon autori i studimit, Francisco J. Amaro, shkruan The Optimist Daily.
Sipas studiuesve, efektet e kafesë së fortë në oksidimin e yndyrës janë edhe më të theksuara në pasdite. Ndërsa në mëngjes MFO u rrit mesatarisht me 10.7% krahasuar me grupin që mori placebo, në pasdite kjo shifër arriti mesatarisht në 29%.
Megjithëse ky studim kishte një numër të vogël pjesëmarrësish dhe nevojiten kërkime të mëtejshme për të konfirmuar efektin e kafesë para ushtrimeve në djegien e yndyrës, nuk dëmton ta provoni. Deri atëherë, një filxhan kafeje para stërvitjes mund të jetë një ide e mirë! /Katror.info
Përgatiti:
