Sipërmarrësi shqiptar nga Kosova, Jimmy Arbëri, po korr një sukses shumë të madh në fushën e biznesit në Zvicër. Jimmy nisi gjithcka nga zero.
Ai në një intervistë për ABC News ka shpjeguar se pas mbarimit të Fakultetit Ekonomik në Prishtinë në vitin 1990, situata aktuale e kishte detyruar që të linte Kosovën, duke u zhvendosur në Zvicër, në një vend shumë më të zhvilluar dhe në një qytet si Cyrihu.
Ai tregon se fillimi ishte i vështirë, por që nga ajo kohë nuk ndaloi kurrë së punuari, fillimisht në restorante, duke krijuar kështu një rreth të të njohurish.
Mundesh me e lexu edhe...
“Kam punuar me gatime. Fillimisht e kam nisur me një piceri. Në vitin 1990 kam punuar si kamarier dhe më pas kam çelur restorantin e parë pas një shkolle që kam kryer me profesorët nga e gjithë bota, ku kam marrë dhe një licensë. Kështu me thënë të drejtën, gastronomia më ka ndihmuar të krijojë kontaktet dhe të bëhem pjesë e ‘real estate’. Kam filluar nga zero me restorantet, pastaj pas 2-3 vitesh kam filluar me shtëpinë e parë. Kam pasur fat të blejë shtëpi në Cyrih dhe t’i lëshojë me qira. Është fat sepse çmimet janë shumë të larta. Unë funksionoj në mënyrë klasike, pasi nuk kam kapitale të huaja”, u shpreh Jimmy.
Edhe në një intervistë për London Bussines Magazine, ai ka shpjeguar se gjithmonë ka pasur synime të qarta.
“Jam gjithmonë një hap përpara dhe i planifikoj gjërat herët. Thjeshtësia dhe virtyti im që më shoqëron. Unë kam një etikë dhe seriozitet të fortë pune – e shoh jetën si realitet dhe jo si iluzion.”
Ai gjithashtu lavdëron shqiptarët në Zvicër duke thënë se janë një shembull shumë i mirë dhe kanë pasur një ndikim shumë pozitiv.
“25 vjet më parë nuk ishte kështu. Por në përgjithësi, ne jemi një komunitet që shumë shpejt përshtatemi, komunikojmë dhe ndërveprojmë me njëri-tjetrin. Tregu i biznesit është plot me shqiptarë, si në biznes ashtu edhe në pozicione kyçe në kompanitë e mëdha zvicerane. Është e mahnitshme se si kanë arritur të jenë të suksesshëm në çdo prizëm të jetës. Pra, mundësitë për të rinjtë shqiptarë tani janë shumë më të mëdha dhe më reale. Një këshillë për të rinjtë: Shihni vetë qëllimet e gjera.”/Katror.info
“
Përgatiti:
