Të enjten me fillim nga ora 18:00 në kryeqytetin francez Paris do të hedhet shorti për edicionin e ri në Ligën e Kombeve.
Përfaqësuesja e Kosovës ndodhet në vazon e dytë të Ligës C dhe pritet të mësojë edhe kundërshtarët e Grupit ku do të vendoset.
Dardanët janë ende pa trajner, por ai do të bëhet i ditur brenda muajit shkurt, kur kanë mbetur edhe tre javë deri në fund.
Mundesh me e lexu edhe...
I pari i Federatës së Futbollit të Kosovës, Agim Ademi ka folur në një intervistë për Telegrafin për shortin e Ligës së Kombeve, por edhe pritshmëritë që ka për sezonin e ri në Ligën e Kombeve. Ai ka folur edhe për trajnerin e ri i cili pritet zyrtarizohet gjatë këtij muaji.
Përfaqësuesja e Kosovës ndodhet në vazon e dytë të Ligës C së bashku me Azerbajxhanin, Bullgarinë dhe Ishujt Faroe. Në vazon A janë Rumania, Suedia, Armenia dhe Luksemburgu.
Ndërkohë në vazon e tretë janë Maqedonia e Veriut, Sllovakia, Irlanda e Veriut dhe Qipro, derisa në vazon e katërt është Bjellorusia, Lituania ose Gjibraltari, Estonia dhe Letonia.
Ademi ka thënë se pret short të favorshëm, por beson se do të kenë sukses dhe qëllimi është ta fitojnë grupin ku do të vendosen dhe Ligën C.
“Shorti do të hidhet nesër dhe presim të kemi një short të favorshëm. Gjithsesi do të jetë mjaftë interesant të shohim se me kë do të luajmë, por duke i respektuar të gjithë kundërshtarët nuk ia kemi frikën asnjërës”, thotë Ademi.
I pari i futbollit kosovar beson se Kosova ka potencial për ta fituar Ligën C, duke marrë parasysh formën e lartë që po tregojnë futbollistët dardanë nëpër klubet përkatëse.
“Kemi potencial të madh brenda skuadrës. Kemi lojtarë që po luajnë në ligat kryesore në Evropë dhe madje janë futbollistët kryesorë në klubet e tyre. Unë pres që ta fitojmë Grupin ku ndodhemi pa marrë parasysh kundërshtarët, por duam ta fitojmë edhe Ligën C”, tha Ademi.
Pas largimit të Primoz Glihas, Përfaqësuesja e Kosovës vazhdon të mbetet pa trajner, edhe pse shumë emra janë përfolur deri më sot, shkruan Telegrafi.
Përkundër që FFK ka pasur takime me disa trajnerë, i pari i futbollit kosovar, Agim Ademi ka thënë se trajneri do të caktohet brenda këtij muaji.
“Po trajneri do të jenë gjermano folës dhe besoj që gjatë këtij muaji vetëm do të bëhet zyrtarizimi i tij. Jemi në fazën finale dhe nuk mund të flas më shumë rreth kësaj teme, por edhe nuk mund të jap një datë se kur do të bëhet prezantimi i tij pasi kjo gjë nuk varet vetëm nga ana jonë”, deklaroi Ademi.
Ademi tutje thotë se trajneri i ri që do ta marrë drejtimin e Kosovës do t’i ketë katër ndeshje miqësore për ta përgatitur skuadrën për kualifikimet e Ligës së Kombeve.
“Trajneri i ri do të ketë katër ndeshje dhe do ta shoh skuadrën, do të punojë me lojtarët dhe do ta ketë një pasqyrë se me cilët do të jetë në Ligën e Kombeve”, deklaroi Ademi. /Katror.info
Përgatiti:
