Të jep motivim. Një hobi i ri të jep arsye për të nisur ditën me energji, sidomos kur kalon shumë kohë në shtëpi. Mund të sjellë gëzim dhe ndjenjë qëllimi.
Largon mërzinë. Rutina e përditshme mund të bëhet e mërzitshme. Një aktivitet i ri të thyen monotoninë dhe të bën të ndihesh më gjallë.
Rrit vetëbesimin. Kur mëson diçka të re, ndihesh më i aftë, më guximtar dhe më pak i shqetësuar. Ajo të jep ndjesinë se mund të përballosh çdo sfidë, shkruan Piedmond Healthcare, transmeton Katror.info.
Mundesh me e lexu edhe…
Është e shëndetshme për trurin. Mësimi mban trurin aktiv dhe fleksibël, pavarësisht moshës. Ndihmon që të mendosh më pozitivisht dhe të kesh më pak reagime nga frika.
Të bën më i hapur ndaj ndryshimeve. Aftësitë e reja të nxjerrin nga rutina dhe të ndihmojnë të përshtatesh më lehtë me sfida të reja në jetë.
Mund të ndihmojë edhe të tjerët. Ajo që mëson mund të jetë e dobishme për familjen, kolegët apo komunitetin.
Rrit lumturinë. Mësimi sjell kënaqësi dhe mirëqenie – nuk është gjithmonë eufori, por ndihesh më mirë me veten.
Si ta nisësh?
Mendo pse po e bën. Do të kalosh kohën? Do të ulësh stresin? Do të përmirësosh shëndetin apo karrierën?
Zgjidh temën. Meditim, gjuhë të huaj, instrument, kopshtari, programim… zgjidh çfarë të tërheq.
Gjej stilin e duhur. Video, libra, kurse, podkaste – zgjidh mënyrën që të përshtatet më mirë.
Ji i durueshëm. Nuk ka rëndësi të jesh perfekt. Më e rëndësishme është të shijosh procesin. /Katror.info
Përgatiti:
