Viti 2018 ishte një vit kulmi për të gjitha modelet, sepse marka “Victoria’s Secret” atëbotë njoftoi për sfilatën e saj të fundit të modës (të paktën në formatin që kishim mundësinë ta shikonim deri atëherë).
E gjithë ngjarja shkaktoi jo pak dramë tek modelet dhe Adriana Lima, një modele braziliane që punon prej shumë vitesh me markën, ishte thellësisht e dëshpëruar për shkak të këtij vendimi.
“Në atë kohë, mendova se do të ishte paraqitja ime e fundit si engjëlli i Victoria’s. Ishte një ditë emocionale, dhe jo vetëm një ditë, por një vit – gjithmonë e kam dashur markën, Zoti im, bashkëpunimi im me ‘Victoria’s Sekreti’ ishte më shumë se punë, më dukej sikur ajo markë ishte pjesë e imja, pjesë e familjes sime”, ka thënë ajo për portalin “Fashionista”.
Mundesh me e lexu edhe…
Pas vitit 2018, kur për herë të fundit shkoi në pasarelë si Engjëlli i Viktorias, Lima vendosi të kthejë faqen dhe të nisë një kapitull të ri në jetën e saj.
“Në kokën time e mbylla atë kapitull të jetës sime. Por ndoshta thellë e dija që kishte një mundësi të vogël që të kthehesha, edhe nëse nuk e bëja për veten time”, thotë Lima, duke shtuar se vajza e saj e madhe ka shprehur dëshirën për t’u bërë modele.
“Vajza ime më e madhe dëshiron të bëhet modele, kështu që mendova: “Ndoshta do t’ia jap një mundësi duke e parë të ecë në pistë”.
Pasi Victoria Secret kreu një riformatim të madh brenda kompanisë, i cili përfshinte prezantimin e madhësive të reja të të brendshmeve, një gamë më të gjerë modelesh dhe dizajnesh, si dhe mënyrën e reklamimit, marketingut dhe ekipit të dizajnit, Adriana Lima një ditë mori një telefonatë që ajo nuk e priste- një ftesë për të bashkëpunuar përsëri.
“Isha e gëzuar pa masë. Nuk u mendova dy herë,” tha ajo.
Krahas Limës, brendi mblodhi edhe yje të tjera të viteve të nëntëdhjeta, të cilët me krenari do të përfaqësojnë lavdinë e re/të vjetër të markës “Victoria’s Secret”, përkatësisht: Naomi Campbell, Gisele Bundchen, por edhe kolegët e tyre më të reja – Emily Ratajkowski, Hailey Bieber dhe Candice Swanepoel.
Ato tashmë kanë publikuar fushatën promovuese në rrjetet e tyre sociale. /Katror.info
Përgatiti:
