Sot u përurua shërbimi i ri për Fertilizim të Asistuar Mjekësor në Klinikën e Gjinekologjisë, në QKUK. Kjo nënkupton që çiftet në Kosovë do të kenë mundësi të marrin shërbimet mjekësore të njohura si fertilizime In Vitro pa pagesë për dy herët e para, ndërsa pastaj me një shumë prej 670 eurosh, për dallim nga shumat marramendëse që është dashur të paguajnë në klinikat jashtë vendit.
Kryeministri Albin Kurti theksoi se shërbimi i ri është pajisur me aparaturë moderne, e cila ka një vlerë prej rreth 2 milionë euro, duke e cilësuar këtë investim si një hap të rëndësishëm për përmirësimin e shërbimeve shëndetësore në vend.
“Pata mundësinë të shoh aparaturën moderne, një investim prej 2 milionë eurosh, gjysma nga Ministria e Shëndetësisë dhe gjysma nga Shërbimi Spitalor Klinik Universitar i Kosovës. Me këtë investim, çiftet do të mund të përfitojnë dy trajtimet e para falas, ndërsa trajtimet pas kësaj do të kushtojnë 670 euro, shumë më pak krahasuar me mbi 3 mijë euro në sektorin privat,” tha Kurti.
Mundesh me e lexu edhe…
Kryeministri gjithashtu theksoi se reparti është pajisur me teknologji të reja, përfshirë një aparaturë në laboratorin e embriologjisë me vlerë mbi 1 milion euro, dy ultrazë të rinj dhe një pajisje të kombinuar për histeroskopi dhe laparaskopi, që sipas tij përbën një përmirësim të rëndësishëm në fushën e shëndetësisë.
Deri më tani, çiftet në Kosovë janë detyruar që shërbimin ta kryejnë në klinika private brenda dhe jashtë vendit për të realizuar ëndrrën e tyre për t’u bërë prindër. /Katror.info
Përgatiti:
