Piloti porosit 30 pica për të ushqyer pasagjerët pas uljes emergjente për kujdes mjekësor

Një pilot i United Airlines është bërë një sensacion në mediat sociale pasi mori përsipër personalisht porosinë dhe shpërndarjen e 30 picave për 155 pasagjerë në fluturimin e tij.

Tani i njohur si “Piloti i Picave”, Scott Wardle thotë se pas 30 vitesh si pilot në Forcën Ajrore dhe si civil, e di se si është të mbetesh i bllokuar në aeroport dhe se thjesht “duhej të bëja diçka për të treguar se na intereson”.

Kujdesi i tij “u ngjit në ajër”, me postime dhe foto të Wardle duke shpërndarë pica, duke përdorur stendën e check-in-it në portë si një tavolinë kuzhine, që u bënë virale.

Historia filloi kur Wardle, i bazuar në Boise, ishte gati për një fluturim drejt Phoenix-it përmes Houston-it, por rreth 45 minuta pas nisjes, ai mori një telefonatë nga ekuipazhi i fluturimit se një pasagjer kishte humbur ndjenjat.

Edhe pse në bord ishin dy infermierë dhe një mjek, Wardle ndjeu se nuk mund të merrte ndonjë rrezik dhe vendosi të bënte një ulje emergjente në Albuquerque në orën 23:00, teksa zona e ushqimit po mbyllej.

Me shpresën për ta rifilluar fluturimin sa më shpejt, ai mori një lajm se ekuipazhi i tij kishte kaluar limitin e orëve të punës, çka do të thoshte se ai duhej të priste një ekip të ri stjuardesh.

“Sigurova që të konfirmoja me kompaninë që ata ishin në rrugë dhe pastaj mendova, duhet të bëj diçka për të gjithë këta njerëz,” tha Wardle për KTVB 7.

“Kështu që fillova të eksploroja disa opsione dhe më erdhi në mendje ideja për të porositur pica për të gjithë, është një gjë e thjeshtë, shumica e njerëzve e duan picën.”

Wardle thotë se e do punën e tij dhe barra e vetme që ndjeu gjatë gjithë ngjarjes ishte dhembshuria dhe simpania për pasagjerët. Ai mori telefonin dhe filloi të porosiste dhjetëra pica.

Ndërkohë që ai filloi t’i shpërndante ato me pjata dhe servetë, pasagjerët e vënë re dhe filluan të bënin foto.

Fotot dhe videot virale arritën në çdo cep të jetës sociale të Wardle, duke i marrë telefonata nga shokët e tij të Forcës Ajrore dhe madje nga klasa e tij e diplomës 1984, të cilët e njoftuan se e kishin parë duke shërbyer pica në uniformën e tij të pilotit.

“Unë nuk mendova se ishte kaq e madhe, thjesht po bëja punën time,” tha Wardle. “Shumë pilotë në kompaninë tonë bëjnë këtë lloj gjëje, thjesht ndodhi që m’u bë fotografia.”

United Airlines insistoi që ta kompensonte për picat dhe e përgëzoi këtë hero të qiellit mikpritës, i cili priti që çdo pasagjer të merrte një pjesë para se të ulej vetë për të ngrënë./Katror.info