Edhepse pjeshkën si frut lehtësisht e hajmë secili prej nesh, jo çdoherë na hahet si e tillë. Andaj, sot po t’njoftojmë me nji recetë t’shpejtë dhe interesante për përgatitjen e pjeshkave – recetë kjo që nuk zhgënjen asnjiherë.
Pjeshkë, muesli, sheqer e kanellë me akullore bahen bashk n’recetën tonë t’radhës për me t’lumtunu e me ta ofru nji super shije me secilën kafshatë. E krejt çka t’duhet janë disa pjeshka e pak harxh si dhe me i ndjekë 3 hapa t’thjeshtë e që e dëshmojnë se për me dal diçka e mirë, nuk ka nevojë me qenë e komplikume e as e vështirë. Megjithatë, pa i provu vet pjeshkat e pjekuna n’grill me kanellë dhe muesli vështirë që mundesh me na besu.
PËRBËRËSIT:
4 pjeshka (t’prera n’mes – pa thelb)
2 lugë vaj kokosi t’shkrirë / vaj avokadoje
2 lugë gjelle sheqer i kafët
½ lugë çaji kanellë
Akullore t’vanillës (opsionale për servim)
Muesli mix shtëpije (opsionale për servim)
Gjethe t’freskëta mente (opsionale për servim)
HAPI 1:
Fillimisht sigurohu që skarë-tigani ose edhe skara reale janë mjaftueshëm t’nxehta. Merr gjysmat e pjeshkave dhe me brushë gatimi lyji me vaj. Vendosi me trup poshtë pjeshkat n’tigan / skarë dhe leji me u pjek^ për 5 minuta.
Mundesh me e lexu edhe…
HAPI 2:
Rrotullo pjeshkat. Shto sipër çdo pjeshke sheqerin dhe kanellën e leji me u pjekë edhe për 3 minuta t’tjerë.
HAPI 3:
Servo pjeshkat n’pjatë bashk me gjethe t’freskët menteje.
REZULTATI:
Për ekstra shije, shto akullore vanilleje dhe muesli shtëpije e pak mjaltë dhe servoje këtë super-ambëlsinë kurdo që t’hahet diçka e ambël.
Kjo pjatë asht ideale me u servu edhe kur ke mysafir e ke qejf me i befasu me diçka ma t’pazakontë e që nuk t’merr fort kohë. Besa ngjashëm mundesh me i përgatitë edhe mollat e pjekuna n’furrë me arra e kanellë.
E nëse je n’kërkim t’recetave t’lehta e t’shpejta t’deserteve, veçanarisht për rastet kur pret mysafir e ke qejf me i impresionu me aftësitë e tua t’gatimit, por pa u lodhë shumë – atëherë ta rekomandojmë me e përgatitë “Lava Cake” – t’cilin e ke hazër brenda 15 minutave. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
