Agjencia Evropiane e Hapësirës (ESA) ka të ngjarë të miratojë një studim tre-vjeçar mbi mundësinë e krijimit të fermave diellore në hapësirë me qëllim të prodhimit të energjisë elektrike, shkruan BBC.
Ministrat e kërkimit do ta marrin në konsideratë idenë në një takim në Paris, pasi Iniciativa Solaris do të jetë e para që do të hedhë terrenin për një plan praktik për të zhvilluar një sistem të prodhimit të energjisë së rinovueshme të bazuar në hapësirë, raportoi ESA.
Gjatë takimit do të vendoset buxheti për fazën e ardhshme të planeve të ESA për eksplorimin e hapësirës, monitorimin e mjedisit si dhe komunikimin.
Mundesh me e lexu edhe…
Duke folur për BBC, drejtori i Përgjithshëm i ESA-s, Josef Aschbacher tha se ai besonte se energjia diellore nga hapësira mund të jetë një ndihmë “e madhe” për të adresuar mungesat e ardhshme të energjisë.
‘Ne duhet të shndërrohemi në ekonomi neutrale ndaj karbonit dhe për këtë arsye të ndryshojmë mënyrën se si prodhojmë energji dhe veçanërisht të zvogëlojmë pjesën e karburanteve fosile të prodhimit tonë të energjisë,’ shtoi ai.
“Kjo do të ishte absolutisht fantastike,” tha Aschbacher pasi kjo do të zgjidhte shumë probleme në këtë drejtim.
Agjencia po kërkon fonde nga vendet anëtare për programin kërkimor Solaris për të parë nëse këto zhvillime nënkuptojnë se tani është e mundur të zhvillohet energjia diellore e bazuar në hapësirë në mënyrë të besueshme dhe mjaft të lirë për ta bërë atë ekonomikisht të qëndrueshme, raportoi BBC.
Lexo edhe: Panele diellore në hapësirë? Ky është plani i shkencëtarëve për të ardhmen
Përgatiti:
