Citroen të martën prezantoi gjeneratën e re të modelit C3.
Në gjeneratën e saj të 4-të, makina popullore franceze nënkompakt po bëhet elektrike. Citroen ë-C3 tërësisht elektrik ka një motor 83 kW/113 hp, ndërsa, siç thotë kompania, një bateri 44 kWh i jep mundësinë të kalojë deri në 320 kilometra.
Bateria nga 20 deri në 80 për qind me karikim standard (7 kWh) “mbushet” për rreth 4 orë e 10 minuta, por nëse përdoret karikimin e shpejtë (100 kWh), ky proces zgjat vetëm 26 minuta.
Mundesh me e lexu edhe...
Motori elektrik 83 kW/113 HP mundëson përshpejtimin nga 0-100 km/h për rreth 11 sekonda, dhe shpejtësia maksimale e parashikuar e makinës është 135 km/h.
Çmimi fillestar i kësaj makine do të jetë 23.300 euro, sepse kompania dëshiron të hyjë në sferën e e-veturave të përballueshme dhe do të vijë në dy versione, varësisht nga niveli i pajisjes – “You” dhe “Max”.
Gjithashtu, Citroen ka paralajmëruar një version më të lirë ë-C3 me një distancë deri në 200 kilometra për vitin 2025 dhe çmimi i tij do të fillojë nga 19.900 euro.
Për sa i përket dizajnit, C3 i ri elektrik ka përmasa paksa të ndryshme nga modeli aktual SUS dhe të kujton më shumë një crossover.
Megjithatë, ai ruajti disa detaje stilistike karakteristike të makinave moderne të kësaj marke franceze.
Mekanikisht, ai bazohet në platformën Stellantis, të cilën do ta ndajë me modele të tjera të lidhura nga kjo kompani, përfshirë Fiat Panda-n e shpallur. /Katror.info
Përgatiti:
