Federata e Basketbollit e Kosovës (FBK), me mbështetjen e Ministrisë së Kulturës, Rinisë dhe Sportit të Kosovës (MKRS) dhe në bashkëpunim me FIBA Europe, përmbylli me sukses ditën e fundit të FIBA Europe U14 Get-Together, e cila u zhvillua nga 17 deri më 19 tetor në Prishtinë.
Gjatë aktivitetit, Sekretarja e Përgjithshme e FBK-së, znj. Elvira Dushku, prezantoi programin zhvillimor për gjeneratat e reja të basketbollistëve, duke theksuar rëndësinë e investimit në talentet e rinj.
Në pjesën e dytë të ditës, znj. Radmila Turner, Përgjegjëse për Federatat Nacionale në FIBA Europe, dhe znj. Vlora Braha, Zyrtare për Integritet në FBK, mbajtën prezantimin mbi politikat e mbrojtjes në sport (Safeguarding), duke nënvizuar rëndësinë e krijimit të një ambienti të sigurt për të gjithë pjesëmarrësit.
Mundesh me e lexu edhe…
Ky aktivitet shërbeu si një platformë e rëndësishme për shkëmbimin e përvojave dhe njohurive ndërkombëtare, duke forcuar rolin e Kosovës në basketbollin europian dhe duke nxitur zhvillimin e sportit tek gjeneratat e reja./Katror.info
