Euro 2024 vetë se po afrohet, me skuadrat që kanë ndezur “motorët”, për të qenë gati për fillimin e aventurës, ndërsa mediat ndërkombëtare, kanë nisur të bëjnë parashikimet e para, jo vetëm se cila mund të jetë skuadra fituese në finalen e Berliniit më 14 korrik, por gjithashtu edhe se cilat mund të jenë kombëtaret që mund të befasojnë në këtë evropian.
Mediumi italian, “Calciomercato”, e cila ka bërë parashikimin e saj, ku ka renditur dy kombëtaret, Shqipërinë dhe Gjeorgjinë, si skuadrat që mund të shkaktojnë surprizën e madhe. “Shqipëria dhe Gjeorgjia janë hirushja e EURO24″. Janë dy kombëtare që zgjojnë kuriozitetin më të madh mes 24 pjesëmarrëseve.
Mundesh me e lexu edhe...
Për Italinë, kundërshtari i parë është Shqipëria. Janë rreth 10 lojtarë të thirrur nga Sylvinho që i përkasin Serie A ose Serie B, pa përmendur këtu edhe të tjerë që kanë kaluar nga Seria A si Rey Manaj, Arlind Ajeti, Thomas Strakosha.
Sipas, “Calciomercato”, Shqipëria ka një ekip solid dhe intrigues, që fitoi grupin përpara Polonisë dhe Çekisë.
Ndryshe nga pjesëmarrja në Euro 2016, tani Shqipëria është më e pjekur dhe kërkon kalimin në 1/16.
“Sigurisht që grupi me Italinë, Kroacinë dhe Spanjën është i ndërlikuar, por ‘shqiponjat’ e dinë se mund të befasojnë”, mbyll shkrimin “Calciomercato”. /Katror.info
Përgatiti:
