Steve Adcock është një ekspert i financave personale, i cili bën blogje se si të arrihet pavarësia financiare. Një ish-zhvillues softuerësh, Steve doli në pension herët në moshën 35-vjeçare. Lexo më poshtë pesë këshillat e tij për arritje të suksesit.
Në vitin 2016, në moshën 35 vjeç, dola në pension para kohe me një pasuri me një vlerë neto prej 900 mijë dollarë. Vetëm në vitin 2021 e arrita qëllimin tim për t’u bërë një milioner i vetë-bërë, me pasuri në vlerë neto prej 1.4 milion dollarë.
Mundesh me e lexu edhe…
Tani, në moshën 41-vjeçare, jetoj një jetë të lumtur, të thjeshtë dhe duke kursyer së bashku me bashkëshorten time në Arizonë. Nga jashtë, mund të duket sikur kam marrë të gjitha vendimet e duhura. Por kishte disa mësime për jetën dhe paratë që duhej t’i mësoja në rrugën e vështirë.
Nëse do të mund të filloja përsëri nga e para, ka disa gjëra që do t’i kisha bërë ndryshe – dhe më shpejt. Këshilla ime më e mirë? Bëni këto pesë gjëra tani ose pendohuni më vonë gjatë jetës:
1. Thuaj “po” më shumë sesa që thua “jo”.
Në fillim të të 20-ave, kisha aq frikë nga dështimi, saqë në vend që të trajtoja atë që më frikësonte, u fsheha pas potencialit tim.
Ajo që nuk e kuptova deri më vonë ishte se shmangia ime e vazhdueshme nga rreziku ishte shumë më e dëmshme, se çdo lloj refuzimi nga i cili mendoja se po e mbroja veten.
Kur punëdhënësi im më ofroi të më promovonte në një rol të nivelit të regjisorit, doja të thosha “jo”; Nuk u ndjeva i sigurt dhe i gatshëm. Por vendosa të shfrytëzoj rastin.
Ky vendim më ngriti në një trajektore pagash më të larta për pjesën tjetër të karrierës sime. Por nëse do t’u kisha thënë po më shumë promovimeve dhe mundësive më shpejt, do të kisha mundur të kurseja mjaftueshëm, për të dalë në pension edhe më herët.
2. Ndaloni përpjekjet për të mbajtur hapin me konkurrencën tuaj
E kisha zakon të krahasoja veten me kolegët dhe njerëzit në industri. Kjo nxiti edhe më shumë xhelozinë: “Uh, ai person siguroi promovim dhe ngritje! Jo e drejtë.” “Uau, ajo mori titullin “Punonjësja e muajit” dy herë? Unë me gjasë jam duke gabuar diku.”
Ishte një mënyrë shumë joproduktive e të menduarit.
Më në fund, kuptova se duhej të ecja në harmoni me ritmin tim. Ndoshta nuk kam qenë njeriu më i zgjuar në zyrë, por kam qenë i përkushtuar dhe kam punuar shumë. Hyja herët çdo mëngjes dhe fillova të njoh menaxherët e mi.
Sapo ndalova interesimin tim për atë se çfarë po bënin të gjithë të tjerët, kisha më shumë kohë për t’u përqendruar në atë që isha i mirë dhe i suksesshëm. Fillova të ndihem më i aftë dhe më i sigurt.
3. Merrni vendime për vete dhe mos u përpiqni t’i kënaqni të gjithë tjerët
Unë e kaloja jetën duke supozuar se njerëzit po vëzhgonin çdo lëvizje timen. Si rezultat, mora vendime që mendova se ata – miqtë, familja, kolegët, shefat dhe madje edhe të huajt – do t’i miratonin.
Por kjo filloi të më rraskapitë. Kështu që një ditë, pyeta veten: “Kush mendoj saktësisht se po më gjykon fshehurazi gjatë gjithë ditës?” Nuk mund të përcaktoja asnjë person të vetëm.
Kur ndaloni të shqetësoheni për mënyrën se si njerëzit e tjerë ju perceptojnë, ju fitoni më shumë qartësi për atë që dëshironi – dhe zgjidhni të bëni atë që ju bën të lumtur.
4. Ulni shpenzimet dhe përpiquni të kurseni më shumë se 50% të të ardhurave tuaja
Rregulli i përgjithshëm është të kurseni 20% të të ardhurave tuaja, por nëse mund të kurseni 50% ose më shumë, kjo është një gjë edhe më mirë. Gruaja ime ishte gjithmonë një kursimtare, ndërsa mua më pëlqente të shpenzoja.
Por ajo ma nguliti zakonin që të kursejë. Ne ngritëm kontributet tona prej 401(k) në vitet para daljes në pension. Ndalem blerjen e gjërave që nuk na duheshin, eliminuam abonimet mujore dhe thjeshtësuam buxhetin tonë të ushqimeve.
Në një moment, ne po kursenim 70% të të ardhurave tona të kombinuara. Ne i derdhëm të gjitha kursimet shtesë në një llogari Roth IRA, llogari brokerimi dhe llogari kursimi.
Ndoshta ndryshimi më drastik ishte kufizimi i buxhetit të restorantit tonë në 50 dollarë në muaj – një detyrë e vështirë për mua, sepse isha mësuar të ha jashtë çdo ditë.
5. Jini më të vetëdijshëm dhe praktikoni EQ (Inteligjencën Emocionale)
Për një kohë të gjatë, mendoja se koeficienti i inteligjencës (IQ) përcakton suksesin tuaj të ardhshëm. U përpoqa t’u bëja përshtypje njerëzve me njohuritë e mia për gjërat e rastësishme.
Por thellë në karrierën time, mësova se IQ është vetëm një pjesë e vogël e ekuacionit të suksesit. Është shumë më e rëndësishme të kesh inteligjencë emocionale (EQ), ose një ndërgjegjësim të rritur për emocionet e njerëzve të tjerë, si dhe për ato të tuat personale.
Njerëzit me EQ të fortë janë në gjendje të kuptojnë shpejt konceptet e reja, të reagojnë me qetësi dhe racionale ndaj situatave komplekse dhe mund të punojnë me shumë lloje të ndryshme personalitetesh.
Praktikimi i EQ më ndihmoi të komunikoja në mënyrë efektive dhe të ndërtoj një raport me shefat dhe kolegët e mi. Kjo ishte ajo që më çoi në fund të fundit në jetë.
Ndiqni Steve në Twitter për më shumë këshilla rreth suksesit: @SteveOnSpeed. /Katror.info
Përgatiti:
