Më shumë se 50 për qind e amerikanëve e kanë traditë kafen e mëngjesit. Shumë njerëz e konsiderojnë atë mënyrën më të mirë për t’u zgjuar Megjithatë, pirja e kafes mund të rrisë në mënyrë drastike nivelin e kalorive, aq sa mund të të shkatërrojë edhe shëndetin, por nëse je i/e kujdesshëm, atëherë mund ta reduktosh këtë. Kafja në vetvete është pothuajse pa kalori, por suplementet që shtojmë në të mund të rrisin në mënyrë të ndjeshme kaloritë. Kafja me qumësht mund të shkojë deri në 300 kalori, ndërsa një çokollatë e bardhë mocha mund të shtojë 400 kalori në konsumin e përditshëm.
Fatmirësisht, ka mundësi që edhe në një filxhan kafe të reduktosh kaloritë. Nëse përpiqesh që kafen me qumësht ta pish duke hedhur qumësht më të lehtë, mund të arrish të reduktosh deri në 65 kalori në filxhan. Ideal për kafen është qumështi i sojës në krahasim me qumështin e lopës, i cili ka më shumë kalori edhe për shkak të yndyrës. Sheqeri përmban 16 kalori në një lugë çaji dhe shumica e njerëzve në një kafe hedhin më shumë se një lugë. Ndërsa e ëmbla është tërheqëse, përfundimisht është një shtesë e vazhdueshme e kalorive. Provo të përdorësh sheqer diabetik artificial apo natyror, shkruan Top Albania Radio.
Nuk ka asgjë më të mirë se sa një filxhan kafe me krem, por nëse do shohësh kaloritë, të shmangësh kremin është mënyra më e mirë në këto raste. Mund të jetë shumë e shijshme me krem, por çdo lugë çaji shton afërsisht 10 kalori. Sasia e tepërt, në çdo gjë mund është e keqe. E njëjta gjë mund të ndodhë edhe me kaloritë, nëse vijon të pish kafe me filxhan të mëdhenj. Uji ka cilësi fantastike. Për fat të keq, shumë njerëz nuk pijnë shumë ujë gjatë ditës dhe në fund vuajnë nga dehidratimi apo shumë sëmundje të tjera që shkaktohen nga mungesa e lëngjeve. Kafja ka veti që të dehidratojë, kështu që pi pak ujë me një fetë limoni brenda sa herë të kesh etje.
Mundesh me e lexu edhe...
Baret, shpesh ofrojnë kafe me shumë suplemente shtesë, si sheqer apo shurup. Nëse e bën vetë kafen në shtëpi, mund t’i hedhësh gjithçka dëshiron dhe sasinë që dëshiron po ashtu. Ose, kur e blen kafen, mund të kërkosh të zezën për të reduktuar shtimin e kalorive. Një suplement tjetër i kafes që shton kaloritë është edhe shurupi, të cilin mund ta zgjedhësh pa sheqer, për të reduktuar shtimin e tyre.
Kanella, karafili apo vanilja janë erëzat më të mira që mund t’ia shtosh kafes së mëngjesit. Kafja me akull është pa yndyrë, nuk ka karbohidrate, as kalori, njëlloj si kafja e zezë pa qumësht. Vetëm kafja ka 1 kalori për filxhan, kështu që nëse mësohesh të pish kafe të zezë, ajo nuk do të jetë kurrë shkaku i shtimit në peshë. Nëse ke probleme me shëndetin, shmang pirjen e disa kafeve në ditë. /Katror.info
Përgatiti:
