Pas disa ditëve të bukura në plazh, ndoshta po pyesni veten: Si ta rikthej lëkurën time në gjendjen më të mirë? Kujdesi pas ekspozimit në diell është thelbësor për shëndetin dhe pamjen e lëkurës, veçanërisht për fytyrën – një nga zonat më të ndjeshme të trupit.
Ja disa këshilla të vlefshme për ta mbrojtur dhe rigjeneruar lëkurën tuaj në këtë periudhë.
1. Kujdes i veçantë për fytyrën
Fytyra është më e ekspozuara gjatë qëndrimit në diell dhe ka nevojë për kujdes të shtuar. Pastrimi i përditshëm është i domosdoshëm për të larguar papastërtitë dhe mbetjet e kremit kundër diellit. Më pas, aplikoni krem hidratues për të rivendosur lagështinë që dielli mund të ketë tharë. Mos harroni: edhe pse vera mund të ketë kaluar, kremi kundër diellit mbetet i domosdoshëm edhe gjatë vjeshtës.
Mundesh me e lexu edhe…
2. Hidratimi është çelësi
Një lëkurë e bukur vjen nga brenda. Konsumoni sa më shumë ujë dhe shmangni pijet alkoolike që mund të kenë qenë të zakonshme gjatë verës. Lëngjet natyrale, çajrat bimorë dhe një dietë e pasur me fruta ndihmojnë në rikuperimin e lëkurës dhe mbajtjen e saj të freskët e të ndritshme.
3. Mos i lini këmbët pas dore
Këmbët shpesh anashkalohen, por edhe ato kanë nevojë për përkujdesje. Filloni me eksfolimin – largoni qelizat e vdekura me një scrub natyral ose një sfungjer të butë. Më pas, aplikoni një krem të pasur hidratues çdo ditë. Vera mund të ketë qenë e lodhshme për këmbët tuaja, por tani është koha t’u ktheni vëmendjen që meritojnë.
Pas plazhit, lëkura ka nevojë për dashuri dhe kujdes. Një rutinë e thjeshtë por e rregullt do t’ju ndihmojë të ruani një pamje të freskët, të shëndetshme dhe plot shkëlqim – jo vetëm për sot, por edhe për muajt që vijnë./Katror.info
Përgatiti:
