Një nga format më agresive të kancerit duket se së shpejti do të bëhet më e trajtueshme falë një zbulimi që jep shpresa. Pacientët me glioblastoma – një lloj kanceri që sulmon trurin dhe palcën kurrizore – priren të mbijetojnë vetëm 15 muaj nga diagnoza.
Aktualisht, disa trajtime të suksesshme janë në dispozicion.
Shkenctarët në Shkollën e Mjekësisë Keck të USC kanë bërë një zbulim që mund të ofrojë shpresë. Ekipi zbuloi se proteinat e ritmit cirkadian – të cilat kontrollojnë ritmet tona natyrore, si kur zgjohemi dhe kur flemë luajnë një rol kyç në rritjen dhe përhapjen e glioblastomës pas trajtimeve aktuale.
Mundesh me e lexu edhe…
Ilaçi që jep shpresë
Studiuesit e Keck kanë identifikuar një ilaç, të quajtur SHP656, që mund të përdoret për të synuar këto proteina dhe për të trajtuar sëmundjen shkatërruese. “Në shumicën dërrmuese të pacientëve, kanceri kthehet. Dhe kur kthehet, është rezistent ndaj kimioterapisë dhe rrezatimit”, tha profesori Steve Kay.
Kay dhe ekipi i tij besojnë se sëmundja shpesh kthehet sepse qelizat burimore të kancerit përhapen me shpejtësi, duke rrëmbyer mekanizmat e ritmit cirkadian të trupit. Por ilaçi SHP656 mund të përdoret. “Kjo është një molekulë e fuqishme dhe ne jemi të emocionuar për sa i përket potencialit të saj për zhvillimin kundër glioblastomës,” tha Kay.
Glioblastoma është një lloj kanceri që fillon në tru dhe pothuajse kurrë nuk përhapet në pjesë të tjera të trupit. Megjithatë, kompleksiteti i tij e bën të vështirë trajtimin.
Nuk dihen shkaqet e glioblastomës, gjë që e bën edhe më të vështirë trajtimin. Linja e parë e trajtimit është kirurgjia në përpjekje për të hequr tumorin. Megjithatë, është shumë e vështirë për të hequr tumorin pa dëmtuar pjesë të shëndetshme të trurit. Kimioterapia dhe terapia me rrezatim mund të jenë të dobishme për të ndaluar rritjen dhe përhapjen e qelizave kancerogjene. Por, ky ilaç pritet të jetë rezistent ndaj kimioterapisë dhe rrezatimit.
Përgatiti:
