24 filmat më të mirë të 2022 deri më tani

Filmat më të mirë të vitit 2022 të selektuar nga revista angleze Time Out nisin nga filmat e shpërblyer me çmime si Parallell Mothers dhe Licorice Pizza tek trileri britanik i kuzhinës Boling Point, RRR dhe Top Gun Maverick. Më poshte ju sjellim listën prej 24 filmave që sipas kritikëve të filmit e publikut janë cilësuar si ndër më të mirët e këtij viti deri më tani.

Contents

Licorice Pizza

Paul Thomas Anderson prezantoi filmin e tij më të ndritshëm me këtë udhëtim nostalgjik të viteve ’70 në Luginën e San Fernandos që bën fjalë për një adoleshent të çuditshëm i cili përpiqet të fitojë zemrën e një njëzetëvjeçareje.

Aty luan Alana Haim dhe Cooper Hoffman në debutimet e tyre në film, së bashku me një kast mbështetës duke përfshirë Sean Penn, Tom Waits, Bradley Cooper dhe Benny Safdie.

Top Gun: Maverick

Në filmin e parë të ‘Top Gun’, i cili doli në vitin 1986, Tom Cruise luajti si Pete “Maverick” Mitchell, një pilot luftarak në Marinën e SHBA. Gjithë këto vite më vonë, Mitchell-it i jepet puna për të trajnuar një grup të ri pilotësh, duke përfshirë “Rooster” Bradshaw (Miles Teller), djalin e shokut të tij të vjetër “Goose”, i cili u vra në ‘Top Gun’. Val Kilmer është rikthyer si “Iceman” Kazansky, tani një gjeneral me katër yje, dhe Jon Hamm i bashkohet kastit si një admiral i quajtur “Cyclone”, kështu që ndoshta filmi do të shpjegojë pse pilotët e Marinës kanë të gjithë pseudonime superheronjsh… Ndoshta jo… Ajo që ne mund të presim janë shumë sekuenca fluturimi supersonike dhe Cruise në pistë me hijet e tij Aviator.

- Advertisement -

The Northman

The Northman është një triller epik hakmarrës, që eksploron se sa larg mund të shkojë një princ viking në kërkim të drejtësisë ëpr të atin e vrarë.

Filmi drejtohet nga Robert Eggers, ndërsa luajnë Alexander Skarsgård Nicole Kidman, Claes Bang, Anya Taylor-Joy, Ethan Haëke, Björk, dhe Willem Dafoe. Filmi është i ndikuar shumë nga mitologjia Norsy.

- Advertisement -

Parallel Mothers

Parallel Mothers është një film dramatik spanjoll shkruar dhe drejtuar nga Pedro Almodóvar. Në film luajnë Penélope Cruz dhe Milena Smit dhe marrin pjesë Aitana Sánchez-Gijón, Israel Elejalde, Julieta Serrano dhe Rossy de Palma.

Penélope Cruz shkëlqen me performancën e saj si një nënë e re e kapur në një rast identiteti të gabuar në repartin e maternitetit. Në një botë të drejtë, ajo do të kishte marrë Oscar-in e dytë për të.

The Worst Person in the World

Aktorja norvegjeze Renate Reinsve është zemra dhe shpirti i këtij tregimi prekës. Jo shumë si personi më i keq në botë, studentja e mjekësisë e kthyer në shkrimtare është një avatar i përsosur për pasiguritë dhe konfuzionet e moshës s re: një rrëmujë e tërë dëshirash konfliktuale.

Happening

Drama e Audrey Diwan zhvillohet në Francë në vitin 1963, por tema është aktuale. Bazuar në një kujtim të Annie Ernaux, fabula e Happening (ose L’événement në frëngjisht) sillet rreth Anne (Anamaria Vartolomei), një studente premtuese e klasës punëtore. Pasi ajo mbetet shtatzënë pas një ‘one-night stand’, ajo është e vendosur të bëjë një abort, pavarësisht se procedura ishte e jashtëligjshme në Francë. Por ajo shpejt e kupton se askush nuk do ta ndihmojë atë dhe pak njerëz do t’i qëndrojnë pranë. “Happening pasqyron vetminë e tmerrshme që mund të vijë me ndërprerjen e një shtatzënie të padëshiruar”, thotë Shirley Li në The Atlantic, duke shtuar “dhe gjykimi për një zgjedhje të tillë mund të jetë edhe më dërrmues sesa mundësia e shkeljes së një ligji”.