Spektakli “Super -Bowl” sivjet pati rreth 123.4 milionë shikues, shifër kjo që e bën atë ndër transmetimet më të shikuara që nga viti 1969 kur anija kozmike “Apollo” u ul në hënë.
BBC ka shkruar se vlerësimet preliminare të televizioneve në SHBA e ranguan “Super-Bowlin” e së dielës menjëherë pas ngjarjes historike kur “Apollo 11” zbarkoi në hënë në vitin 1969, transmetim ky që u shikua afërsisht nga 150 milionë njerëz.
Në ngjarjen e organizuar nga federata e futbollit amerikan (NFL), ekipi Kansas City Chiefs mundi San Franciso 49.
Mundesh me e lexu edhe...
Duket që ndikim në shikueshmërinë e këtij spektakli ka pasur ylli Taylor Swift, pasi ajo shkoi bashkë me shoqet për të shikuar të dashurin e saj, Travis Kelce, i cili është anëtar i ekipit Kansas City Chiefs. Taylor nxiti kryetitujt e mediave botërore për çdo lëvizje që bënte ndërsa e shikonte ndeshjen.
Paraprakisht pati shumë spekulime nga fansat se Taylor nuk do të mund të ishte prezentë në këtë ngjarje pasi ndodhej në Japoni, ku ishte duke mbajtur një turne.
Gjithashtu mendohet se ekipi i Kelcet, Kansas City Chefs, patën më shumë adhurues pikërisht për shkak të dashurës së tij, Taylorit.
Sipas analizës që bënë mediat, 202.4 milionë njerëz kanë shikuar të paktën një pjesë të ndeshjes.
Vitin e kaluar ndeshja në mes të Kansas City Chiefs dhe Philadelphia Eagles, kur në pauzë në mes të pjesëve të ndeshjes kishte performuar ylli Rihanna, pati 115.1 milionë shikues, përcjell Koha.net.
Fakti që sivjet Kansas City Chiefs kanë mbrojtur titullin e kampionit si dhe performimi i yllit Usher me shumë mysafirë gjigantë të industrisë muzikore, ndikoi shumë në shikueshmëri.
Usher pas spektaklit vazhdoi të festonte duke u martuar me të dashurën e tij Jennifer Goicoechea në Las Vegas, ku edhe u mbajt “Super-Bowl”.
“Mund të konfirmoj se ata janë martuar dhe dëshirojnë të vazhdojnë të rrisin fëmijët e tyre të rrethuar me dashuri dhe i falënderojnë të gjithë për urimet”, ka thënë një zëdhënës i këngëtarit./Katror.info
Përgatiti:
