Albi Mall Superliga e Kosovës vazhdon me ndeshjet e xhiros së 24-të, ku dy të fundit janë në program për tu zhvilluar sot.
Padyshim që vëmendja e adhuruesve të futbollit kosovar do të jetë në Suharekë, ku Ballkani është nikoqir i Malishevës.
Dy skuadrat do të takohen për herë të dytë brenda katër ditëve pasi janë përballur edhe në mesjavë në kuadër të Kupës së Kosovës e ku Ballkani fitoi me lehtësi 0-3.
Mundesh me e lexu edhe...
Suharekasit kërkojnë një tjetër fitore për ta rikthyer vendin e parë në tabelë i rrëmbyer nga Llapi pas fitores ndaj Gjilanit të shtunën në mesditë.
Në anën tjetër Malisheva ndodhet në top formë pasi ka katër fitore radhazi në kampionat dhe kërkon vazhdimësi.
Sfidë shumë interesante pritet të zhvillohet edhe në stadiumin ‘Përparim Thaçi’ në Prizren, ku Liria pret Feronikelin ’74.
Bardhezinjtë tanimë të fundit në tabelë dhe me gjasa minimale për të shpëtuar synojnë të shkaktojnë befasi, në anën tjetër mysafirët kërkojnë tre pikë për qenë më të qetë në pozitën e shtatë.
Të dyja sfidat e ditës së sotme zhvillohen me fillim nga ora 13:00./Katror.info
Përgatiti:
