Qëllimi kryesor i teleskopit hapësinor të NASA-s ‘James Webb’ është zbulimi i galaktikave të largëta, por së fundmi ai vëzhgoi një nga planetet më të ndritshëm në qiellin e natës: Marsin.
Ky teleskop kapi imazhet dhe të dhënat e para të këtij planet më 5 shtator, të cilat mund të kontribuojnë në zbulimin e detajeve të reja rreth sipërfaqes dhe atmosferës së Marsit si dhe plotësimin e të dhënave që mblidhen nga roverët dhe teleskopët e tjerë në hapsirë.
Webb, i vendosur 1.6 milion kilometra nga Toka, mund të dallojë anën e Marsit që është e ndriçuar nga dielli, pozicionin i cili po konsiderohet i përsosur për vëzhgimin e ndryshimeve sezonale të planetit, stuhitë e pluhurit dhe motin gjithashtu.
Mundesh me e lexu edhe...
Për shkak se është kaq afër planetit tonë, Marsi është një nga objektet më të ndritshëm në qiellin e natës si për sa i përket dritës së dukshme (të cilën sytë tonë mund ta shohin) dhe dritës infra të kuqe që Webb është krijuar për të zbuluar.
Meqenëse teleskopi është i ndjeshëm, astronomëve i’u desh të bënin rregullime për të parandaluar që kjo dritë infra e kuqe të ndikonte në detektorët e tij, kështu që Webb vëzhgoi Marsin duke përdorur ekspozime shumë të shkurtra.
Ekipi hulumtues i NASA-s do të ndajë më shumë rreth vëzhgimeve të Webb për Marsin në një studim që do të dorëzohet për rishikim dhe botim nga kolegët në të ardhmen. Ky ekip do të përdorë këto imazhe dhe të dhëna tjera për të eksploruar dallimet rajonale në të gjithë planetin dhe për të kërkuar për gjurmë gazesh në atmosferë.
Përgatiti:
