Belgjika është vendi i radhës i cili jo vetëm që prezantoi javën e punës që do të zgjasë katër ditë, por që gjithashtu u jep punonjësve të drejtën të injorojnë mesazhet që lidhen me punën dhe të fikin pajisjet e punës pas përfundimit të orarit.
Duke iu referuar kësaj, kryeministri belg Alexander de Croo, gjatë një konference për shtyp, tha: “Kemi përjetuar dy vite të vështira. Me këtë marrëveshje kemi hapur rrugën për një ekonomi më inovative, më të qëndrueshme dhe digjitale. Qëllimi është për të qenë në gjendje t’i bëjmë njerëzit dhe bizneset më të fortë.”
Zelanda e Re
Mundesh me e lexu edhe…
Ideja e një jave 4-ditore të punës mori një nxitje të madhe nga kryeministrja e Zelandës së Re, Jacinda Ardern, e cila besonte se jo vetëm që do të përmirësohej ekuilibri punë-jetë, por gjithashtu do të nxiste ekonominë e vendit në funksion të pandemisë COVID. Në maj 2020, Ardern në një video live në Facebook ndau idenë e përmendur ndërsa diskutoi mënyrat për të ringjallur turizmin vendas. Ajo shtoi se fundjavat e gjata do t’i lejojnë njerëzit të vizitojnë pikat lokale, gjë që do të rrisë udhëtimet e brendshme, duke kompensuar kështu mungesën e udhëtimeve jashtë vendit.
Japonia
Me synimin për të përmirësuar ekuilibrin punë-jetë të qytetarëve të saj, Japonia u kërkoi kompanive të nisin një javë pune 4-ditore si pjesë e programit të iniciativës së qeverisë. Sipas raporteve, qeveria udhëzoi kompanitë që t’i ofrojnë fuqisë punëtore një zgjedhje për tu zhvendosur drejtë javës së punës që zgjatë katër ditë, në vend të pesë ditëve të zakonshme. Duke iu referuar kësaj, kryeministri japonez Yoshihide Suga deklaroi se kjo nismë do t’i ndihmojë kompanitë të mbajnë staf me përvojë, duke garantuar edhe mirëqenien e tyre.
Irlanda
Qeveria e Irlandës prezantoi një program provë për të kontrolluar efektivitetin e një jave pune katër-ditore. Për këtë iniciativë, qeveria thuhet se ka ndarë një fond kërkimor prej 150.000 €. Sipas Ministrit të Mjedisit, Klimës dhe Komunikimeve Eamon Ryan, ky kalim në javën e punës 4-ditore jo vetëm që do të ndihmojë në reduktimin e emetimeve të karbonit dhe përmirësimin e cilësisë së ajrit, por gjithashtu edhe njerëzit do të përfitojë nga një ditë shtesë pushimi.
Skocia
Partia Kombëtare Skoceze (SNP) njoftoi nisjen e një testi për katër ditë pune gjatë javës. Dhe, nëse mun të ju besohet raporteve, 80% e njerëzve iu përgjigjën idesë dhe ishin shumë të motivuar me iniciativën. Thuhet se kjo i ka ndihmuar njerëzit të mbajnë një ekuilibër të shëndetshëm punë-jetë, duke ndarë më shumë kohë për veten e tyre.
Emiratet e Bashkuara Arabe
Emiratet e Bashkuara Arabe ulën javën e saj zyrtare të punës në katër ditë e gjysmë në fillim të dhjetorit 2021. Sipas raportimeve, ndryshimi i ri ka hyrë në fuqi nga 1 janari 2022. Duke iu referuar kësaj, Zyra e Mediave të Qeverisë së Emirateve të Bashkuara Arabe informoi se ndryshimi i ri është zbatuar për të përmirësuar ekuilibrin punë-jetë dhe produktivitetin.
Spanja
Sipas raporteve, Spanja njoftoi gjithashtu një eksperiment me një provë të javës të punës. Tani, sipas rregullave të qeverisë spanjolle, punonjësve u kërkohet të kryejnë një javë pune 32-orëshe për tre vjet, duke mos ulur të ardhurat e e punëtorëve. Mësohet se programi pilot po realizohet me një investim prej rreth 60 milionë dollarë.
Islanda
Islanda prezantoi një provë katërvjeçare në tetor 2021 për të eksperimentuar me javën katërditore të punës. Sipas raporteve, rreth 2500 punëtorë janë të përfshirë në këtë program, punëtorë nga një gamë e gjerë vendesh pune, si zyra, spitale dhe institucione parashkollor. Në bazë të rezultateve, produktiviteti u përmirësua në shumicën e mjediseve. Plus, kjo i lejon njerëzit të shkojnë për një udhëtim të shpejtë 3-ditor të fundjavës dhe të rinovohen./Katror.info
Përgatiti:
