Kompania Meta vendosi të respektojë rregullat e vendosura nga Bashkimi Evropian për shërbimet online, në mënyrë që të jetë në gjendje të ofrojë shërbimin e saj Threads në vendet anëtare të BE-së.
Sipas raportimeve, Meta do të mundësojë Threads në të gjithë Evropën në dhjetor dhe në përputhje me praktikat e BE-së, do t’i lejojë përdoruesit të kenë qasje në platformë pa pasur nevojë të krijojnë një profil.
Threads u lëshua në pjesën më të madhe të botës në korrik, si një alternativë ndaj platformës X të Elon Musk (e njohur më parë si Twitter).
Mundesh me e lexu edhe…
Threads tashmë arriti në 100 milionë përdorues në javën e parë, por pas kësaj ai pësoi një rënie. Platforma e Metës tani ka rreth 73 milionë përdorues aktivë (përkundrejt 365 milionëve të X).
Zgjerimi në Bashkimin Evropian pa dyshim do të rrisë praninë globale të Threads, por koha do të tregojë se sa shpejt dhe në çfarë mase do të ndodhë kjo.
Mark Zuckerberg, CEO i Meta, parashikoi në tetor se Threads mund të arrijë një miliard përdorues brenda disa viteve të ardhshme./Katror.info
Përgatiti:
