Truri i njeriut lëshon një dritë të dobët e të padukshme – dhe shkencëtarët besojnë se kjo mund të shërbejë për të lexuar aktivitetin e tij.
Një ekip studiuesish të udhëhequr nga biologja Hayley Casey në Algoma University (Kanada), ka matur për herë të parë emisionet e fotoneve ultra të dobët (UPE) që burojnë nga truri i njeriut.
Duke përdorur një ambient të errët dhe pajisje shumë të ndjeshme, ata kanë zbuluar se kjo dritë ndryshon në varësi të aktivitetit mendor, si për shembull pushimi apo kryerja e një detyre dëgjimore.
Mundesh me e lexu edhe…
Ky fenomen, ndryshe nga rrezatimi termik që lëshon çdo trup i ngrohtë, është i lidhur me proceset metabolike që ndodhin në tru dhe ndodh në gjatësi valore afër spektrit të dritës së dukshme.
Studiuesit vendosën pjesëmarrësit në një dhomë të errët, u vendosën atyre një kapelë EEG për të matur valët e trurit dhe tubacione fotodetektuese për të kapur dritën. Ata arritën të ndanin qartë dritën që vinte nga truri nga sfondi, dhe zbuluan se ajo kishte model të përcaktuar sipas gjendjes mendore.
Sipas studiuesve, kjo është një dëshmi e parë që mund të çojë drejt një teknike të re që e kanë quajtur “fotoencefalografi” – një metodë e mundshme për të matur aktivitetin e trurit përmes dritës që ai lëshon.
Në të ardhmen, kjo mund të ndihmojë për të kuptuar ndryshimet mes trurit të shëndetshëm dhe atij me sëmundje si Alzheimeri apo depresioni, apo edhe të zbulojë nëse çdo njeri ka një “shenjtim dritor” të vetin unik.
Studimi i plotë. /Katror.info
