Me rastin e hapjes së javës globale të ndërmarrësisë #GEW2022, të hënën u lansua zyrtarisht modeli i inovacionit të ashtuquajtur “Spirale e trefishtë” (Triple helix), i bashkethemeluar nga Komuna e Prishtinës, Universiteti i Prishtinës dhe Oda Ekonomike e Kosovës.
Iniciativa ‘UPCO Cluster’ synon zbatimin e projekteve zhvillimore bazuar në dije dhe teknolgji të reja, të gjitha këto me resurset që mund të gjinden brenda 3 institucioneve bashkëthemeluese.
Ky është një hap tjetër drejt uljes së papunësisë në Kosovë, i cili ndihmon në reformimin e arsimit të lartë dhe profesionale, përmes programeve të edukimit dhe trajnimit, duke i bërë ato më të përputhshme me nevojat e tregut të punës.
Mundesh me e lexu edhe…
‘Agjenda e gjelbër dhe digjitale e Kryeqytetit mund të jetësohet vetëm me bashkëpunim strategjik dhe të strukturuar në mes të industrisë (sektorit privat vendor) dhe akademisë (me hulumtime shkencore dhe përgatitje). Shumë mundësi të reja po hapen!’ njoftoi nënkryetarja e komunës së Prishtinës, Donjeta Sahatçiu, përmes një postimi në Facebook.
Sipas njoftimit të Zyrës së BE-së në Kosovë, ky veprim është në përputhje me Agjendën Evropiane të Aftësive që përafron më tej sistemin e arsimit dhe tregut të punës në Kosovë me ato të BE-së.
Iniciativa e UPCO Cluster ka filluar qysh në vitin 2019 dhe se puna u arrit falë ekipit në ALLED 2, me mbështetje të Zyrës së Bashkimit Evropian në Kosovë dhe Agjencia Austriake për Zhvillim.
Përgatiti:
