Italia ka ndaluar prodhimin dhe shitjen e mishit të kultivuar, duke përmendur shqetësimet shëndetësore dhe nevojën për të mbrojtur blegtorët, edhe nëse shitja e produktit nuk është miratuar ende në BE. Italia u bë kështu vendi i parë në Bashkimin Europian që ndaloi “mishin e kultivuar”, i prodhuar në një laborator nga qelizat e indeve të kafshëve.
Ligji i miratuar nga Kuvendi me kërcënimin e gjobave të rënda ndalon edhe përshkrimin e proteinave me origjinë bimore si “mish”. Shumë kompani në mbarë botën shesin alternativa të mishit me bazë bimore që reklamohen si zgjidhje për çështjet etike që lidhen me bujqësinë industriale dhe zgjidhjet mjedisore. Shitja e “mishit të kultivuar” lejohet aktualisht në Singapor dhe Shtetet e Bashkuara, por jo në BE, megjithëse kompanitë europiane kanë mbledhur fonde për të financuar kërkimet për të.
“Mishi i kultivuar” konsiderohet nga BE si “ushqim i ri” dhe si i tillë, si çdo produkt i ri, duhet të marrë autorizim tregtimi. Ministri italian i Bujqësisë, Francesco Lollobrigida tha se mishi i kultivuar prish marrëdhënien fisnike mes tokës, njeriut dhe punës që na ka shoqëruar për mijëvjeçarë dhe na ka lejuar të kultivojmë tokën. Organizata joqeveritare italiane “Organizata Ndërkombëtare për Mbrojtjen e Kafshëve” beson se ligji i ri është i panevojshëm pasi mishi i fermës nuk është miratuar ende për konsum njerëzor në Europë dhe për këtë arsye nuk mund të hidhet në treg.
Mundesh me e lexu edhe...
Rikujtojmë, se kompania çeke “Bene Meat Technologies” bën me dije se është e para në BE që merr miratimin që produktet e saj, të mishit të krijuar në laborator të përdoren si ushqim për kafshët, teksa informon se në vitet në vijim synimi i saj është të rrisë ndjeshëm prodhimin. Gjatë një interviste për mediat, menaxheri, Roman Kriz tregon se tashmë kompani po planifikon të testojnë sesi kafshët do ta “shijojnë” këtë produkt në laboratorët e saj të vendosur në Pragë. /Katror.info
Përgatiti:
