Prej tre vitesh, në Luksemburg transporti publik është falas. Në fillim u komentua si një nismë tepër ‘e shtrenjtë’ por qytetarë të shumtë që përdorin tramvaje, autobusë dhe trena në shtetin e vogël të BE-së thonë se janë të kënaqur.
“Meqenëse është falas, është më e lehtë të marrësh një vendim shpejt, të zgjedhësh midis transportit publik ose një makine private. Kjo do të thotë se është shumë pozitive për mjedisin dhe praktike,” thonë disa nga banorët.
Të jesh i pasur dhe të jesh një popullsi e vogël sigurisht që ndihmon. Ka vetëm rreth 640,000 qytetarë dhe secili, për sa i përket PBB-së për frymë, vlen rreth 99,900 euro në vit sipas të dhënave më të fundit të Bankës Botërore nga viti 2021.
Mundesh me e lexu edhe...
Krahasoni këto të dhëna me çdo qytetar në Francën fqinje që ka mesatarisht vetëm 35,200 euro në vit.
Por edhe transporti falas e ka një çmim; Në fund të fundit, paratë e taksapaguesve e financojnë atë – por kjo e bën atë më të drejtë, thekson shpjegon Ministri i transportit dhe Punëve Publike, François Bausch. Ai shton se me këtë politikë, ka barazi, sepse ata që paguajnë pak taksa nuk paguajnë asgjë ose shumë pak në këtë sistem.
Dhe ata që paguajnë më shumë taksa, padyshim, kanë një çmim që është ndoshta pak më i lartë.
Luksemburgu po e promovon gjithashtu si një mënyrë për të luftuar ndotjen dhe ndryshimet klimatike duke joshur njerëzit që të mos udhëtojnë me automjetet e tyre, por me trena apo autobus.
Megjithatë, shumë njerëz vijojnë të udhëtojnë me makinat e tyre. Për ta nuk është ndonjë dhuratë bujare e qeverisë që të udhëtosh me transport publik falas, por thjesht një e drejtë e një qytetari të atij vendi./Katror.info
Përgatiti:
