Dashamirët e emoticons do të jenë të kënaqur me lajmin se së shpejti do të vijnë 118 emoji të reja, e në mesin e tyre është një që kanë pritur prej kohësh.
Përkatësisht, Emojipedia publikoi lajmin në X se Konsorciumi Unicode ka konfirmuar zyrtarisht Emoji 15.1, që do të thotë se emoticon-et e reja duhet të mbërrijnë në të gjitha pajisjet digjitale brenda vitit të ardhshëm.
Grupi i 118 emoji-ve të rinj përfshin gjashtë koncepte krejt të reja, katër kombinime të reja emoji familjare neutrale nga gjinia dhe 108 versione të reja të gjashtë emoji-ve ekzistues të personave që tregojnë drejtimin.
Mundesh me e lexu edhe…
Gjashtë koncepte të reja emoji përfshijnë tundjen horizontale dhe vertikale të kokës, feniksin, kërpudhat kafe, tenxheren e thyer dhe emoji-n e shumëpritur me limon.
Gjegjësisht, deri më tani emoji i një limoni dhe një katror jeshil janë përdorur për të shprehur këtë emoticon. Dhe nëse jeni duke pyetur veten pse emoji-ja është kaq e rëndësishme, këtu është përgjigjja.
Përveç të dukshmes, emoji i limonit përfaqëson freskinë ose një preferencë për ushqimet dhe pijet me agrume. Përveç kësaj, ky është një simbol popullor për shoqërim të rastësishëm, qoftë në festa private apo në ndonjë mbrëmje, dhe gjithashtu shpreh ndjenjat e xhelozisë./Katror.info
Përgatiti:
