Halloween asht nji prej atyne ditëve ku fëmijët mezi presin me u masku, me u veshë e ngjyrosë e me “frikësu” njerëz. E kur t’ndalesh me mendu, i madh e i vogël gjenë kënaqësi n’këtë festë kostumi, pikërisht sepse asht qejf me hy n’rol. E patjetër që nji Halloween i suksesshëm llogaritet ai ku edhe dekorimet e ushqimi shkojnë me moton.
Për ty që ke fëmijë e s’po din qysh me ua ba interesant këtë event, por edhe nuk po don me e lodhë vehten qaq, merimangat prej Oreo keksave janë shpëtim. Mjafton me pasë pak përbërës e me i pasë gati këto ambëlsina sa hap e mbyll sytë; n’3 hapa. Pra, ma thjeshtë veç lodhesh.
PËRBËRËSIT:
1 paketim keksa Oreo
Disa shtapiqa n’ndarë n’3 pjesë
Pak çokollatë (për me e shkri)
Bonbone t’vegjël mente / tiktok’s
HAPI 1:
Merr shtapiqat e copëtoje secilën n’3 pjesë. Fillo vendosi 3 shtapiqa n’kremën e oreos n’anën e majtë e 3 t’tjerë n’anën e djathtë, që me i kriju kambët e merimangës. Kështu vepro me t’gjithë keksat oreo.
Mundesh me e lexu edhe…
HAPI 2:
Shkrije çokollatën për 5 minuta n’enë sipër ujit t’vlumë, ose n’mikrovalë.
HAPI 3:
Me pip apo rrëmojse, merr çokollatën e shkrime e krijo 2 pika prej çokollate. Sipër, menjiherë vendosi bonbonat – që me i kriju sytë e merimangës.
REZULATATI:
Këto merimanga mundesh me i ba gati bashk me fëmijët – biles, veç çka ua ban ma shumë qejfin po i le me i përgatitë vet.Ama, para se me ju dhanë leje me hangër gjana t’ambla, mirë kishe ba me i shti me e pi njiherë supën me kungull t’cilën mundesh me e përgatitë pikërisht sot, e me nxjerrë si pretekst Halloween-in për me e konsumu edhe picimulët – nëse veç refuzojnë n’raste t’tjera me e konsumu. /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
