Kur bahet fjalë për receta t’mira e t’shijshme, recetat tona e kanë dëshmu tashma që shijet inovative me përbërës interesant duhet me u provu t’paktën 1 herë që me u gjyku mandej. Kështu ne vazhdimisht përpiqemi me identifiku pjata interesante e që lehtësisht mundesh me i përgatitë, pa pasë nevojë me kalu shumë kohë n’kuzhinë.
Salsa me avokado dhe karkaleca deti asht prej atyne recetave që ta hjekë nostalgjinë për ushqimet e detit dhe sallatat e freskëta verore. E çka asht ma e mira, ky kombinim mundet me u shoqnu lehtësisht si starter i cilitdo vakt – mjafton me e servu me pak çipsa tortille, brusketa apo keksa t’njelmët.
PËRBËRËSIT:
500-700 gr karkaleca (t’pastruara paraprakisht)
200 ml ujë
1 lugë gjelle biber i kuq i përzier me kripë dhe erëza (Sipas shijes)
2 avokado (t’prera n’kubëza)
2 domate (t’prera n’kubëza)
1 qepë e vogël e kuqe (e prerë imët)
½ tufë magdanoz i freskët (i grirë)
Langu i 2 limetave / limonëve
1 thelb hudhër (e grirë)
Kripë dhe biber i zi (Opsionale)
HAPI 1:
N’nji tenxhere shto ujin, vloje dhe shto erëzat e përziera t’detit. Pastaj për 3 minuta ziji karkalecat – t’cilëve paraprakisht ua ke largu lëvoren dhe fijet.
Mundesh me e lexu edhe...
HAPI 2:
Largoji karkalecat prej ujit dhe vendosi n’nji enë me ujë dhe copëza akulli, apo veç n’ujë t’ftohtë për 2 minuta. Pastaj preji karkalecat n’copëza t’vogla.
HAPI 3:
N’nji enë shto karkalecat, shto domatet, avokadon, qepën dhe magdanozin e grirë. Shto kripë dhe biber sipas dëshirës, langun e limetave dhe përzije masën mirë. Servo.
REZULTATI:
Servoje salsan me çipsa tortille, me keksa t’njelbët apo edhe bashk me krutonë (sopëza t’rreshkuna buke), si paragjellë apo pjatë shoqnuese n’çfarëdo mbledhie, veçanarisht kur organizon ditëlindjet, festat e ahengjet familjare, e pse jo edhe mramjeve kur don me hangër diçka t’lehtë t’u e kqyrë nji film a serial. Ti poashtu mundesh ngjashëm me e përgatitë edhe sallatën me avokado dhe domate sa hap e mbyll sytë.
E meqë jemi tek recetat me avokado, mos e le pa i provu edhe 5 recetat ma t’shijshme me avokado, si dhe mëso cili është qyteti meksikan që prodhon salcën masive me avokado dhe pse. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
