Muffins me boronica n'3 hapa t'thjeshtë

Për shumicën prej nesh, ambëlsinat janë pjesë e pandashme me t’cilat i shoqnojmë çajat e kafet tona shumicën e kohës. Dikush preferon me u ambëlsu me ndonji ambëlsinë t’bleme n’dyqan, dikush duke porositë n’ndonji ambëltore, e disa t’tjerë preferojnë me i përgatitë vet ato – sidomos nëse kanë kohë. Ne definitivisht jemi fansa t’grupit t’tretë edhe t’inkurajojmë fuqishëm me i përgatitë këta muffins super t’shijshëm e t’lezetshëm.

Contents

N’qoftë se i ki merak boronicat, por edhe je fans/e i/e boronicave, receta e maposhtme asht idealja për ty. Krejt çka t’duhet për me i përgatitë muffins-at me boronica janë: 25 minuta kohë, pak harxh edhe pak disponim.PËRBËRËSIT:HAPI 1:HAPI 2:HAPI 3:Përcillni Katrorin edhe në rrjete sociale

N’qoftë se i ki merak boronicat, por edhe je fans/e i/e boronicave, receta e maposhtme asht idealja për ty. Krejt çka t’duhet për me i përgatitë muffins-at me boronica janë: 25 minuta kohë, pak harxh edhe pak disponim.

PËRBËRËSIT:

2 ve
125 ml vaj luledielli
250 ml qumësht
250 gr sheqer pluhun
400 gr miell
3 lugë pluhur pjekje
1 lugë kripë
150 gr boronica

HAPI 1:

Nxeje furrën në 200 gradë para se me fillu me përgatitjen e masës. N’secilën gropë t’tepsisë (tepsi për 12 muffins) shto kallëpat e letrës.

HAPI 2:

N’nji enë t’thellë shto vezët edhe përziji me mikser për 1 minut. Shto vajin e qumështin. Përzije masën deri sa krejt përbërësit t’bashkohen, mandej shto sheqer pluhurin dhe përzije masën derisa t’shpërbahet sheqeri plotësisht. Shto miellin, pluhurin për pjekje dhe 1 kripën. Masën përzije derisa mirë edhe sigurohu që brumi mos me mbetë kokrra-kokrra. Masës shtoja boronicat dhe përziji mirë.

HAPI 3:

Fillo me i mbushë kallëpët me .dy t’tretat e masës. Pjeki muffins-at për 20-25 minuta (nëse e sheh që temperatura asht shumë e naltë, ule temperaturën n’180 gradë), mandej largoje tepsinë prej furrës e leji muffins-at me u ftohë n’temperaturë dhome. Mbas 15 minutave servoji.

Vehtën e t’rrituni shërbeji me nga nji muffins e nji kafe, kurse fëmijët shërbeji me nji muffins t’shoqnum me nji gotë qumësht ose kakao. Shijo!

Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria

Përcillni Katrorin edhe në rrjete sociale

Facebook, Instagram, TikTok, YouTube, X (Twitter), Threads

Muffins me boronica n’3 hapa t’thjeshtë