E premtja ka ardhë edhe ne i gëzohemi edhe ma shumë mbasi ta përfundojmë orarin e punës, t’kthehemi n’shpi e t’pushojmë pak. E ku ka ma mirë se me qenë e premte? Ka – me qenë e premte, me përgatitë pak meze e me e çu nga nji gotë për qejfi.
Shkopthat e kashkavallit janë ideja ideale t’cilën mundesh me ja bashkangjitë cilësdo meze a tryeze që parapëlqen, por, mundesh edhe me i përgatitë si pjatë n’vehte. T’shijshme, t’mira e t’shkrifta nga brenda e krokante nga jashtë – këta shkoptha mundesh me i përgatitë n’4 hapa t’thjeshtë e t’lehtë.
PËRBËRËSIT:
12 copa kashkavall (t’prera n’fije t’gjata)
2 ve
3 lugë gjelle qumësht
1 e 1/2 gotë thërrmija buke (prezlle)
1/2 gotë djathë parmezan (t’grirë)
1 lugë t’mesme oregano
1/2 lugë çaji kripë
150 ml vaj luledielli
Mundesh me e lexu edhe...
HAPI 1:
Merr qumështin e vezët dhe përziji në nji pjatë. Rrehi vezët mirë dhe zhyti copëzat e kashkavallit n’masën me ve.
HAPI 2:
N’nji pjatë tjetër përzije kripë, oreganon, thërrmijat e bukës dhe djathin parmezan mirë. Shkopthat e djathit t’zhytuna n’ve, mbuloji me masën me thërrmija buke.
HAPI 3:
Vendosi shkopthat n’nji tepsi t’mbulume me letër për pjekje. Futi n’friz dhe leji me u ftohë për nji orë.
HAPI 4:
Vendose vajin n’nji tenxhere dhe nxeje mirë. Pastaj shto fijet e kashkavallit t’ftohuna n’vaj dhe fërgoji n’të 2 anët nga 3-4 minuta. Largoji shkopthat dhe servoji n’pjatën që don.
REZULTATI FINAL:
Ne t’sygjerojmë që këta shkoptha me i servu me sos t’freskët t’domateve, mundësisht t’përgatitun vetë me pak erëza e borzilok. Megjithatë, mundesh me i servu lirisht edhe me salca e sosa t’tjerë. Keçapi, salsa e kosit dhe BBQ sosi janë disa nga rekomandimet tona.
Këta shkoptha mundesh me ua servu edhe fëmijëve, meqë ngjajnë n’pomfrit dhe janë krokante – e shumica e fëmijëve e pëlqejnë këtë teksturë n’ushqime. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
