Speca t'mbushun për darkë, n'daq me i lëpi gishtat

Nëse je n’hall se çka me përgatitë për darkë – qe ideja e receta, ti veç implementoje!

Kësaj radhe jemi t’u ta sygjeru nji recetë klasike e shumë t’famshme tradicionale. Bahet fjalë për speca t’mbushun, gatesë kjo që n’kuzhinën shqiptare zë vend t’veçantë, pikërisht për faktin se asht kombinimi i duhur mes mishit e specave; dy gjana t’cilat shumica prej neve nuk mundemi me ju rezistu. Ama që don me t’dal darka fenomenale, patjetër ndjeki hapat tanë – mos ja huq!

Contents

Nëse je n’hall se çka me përgatitë për darkë – qe ideja e receta, ti veç implementoje!PËRBËRËSIT:HAPI 1:HAPI 2:HAPI 3:REZULTATI:

PËRBËRËSIT:

6 speca t’mëdhenj (babure/somborka ose paprika)
500 gr mish i grirë
6 lugë gjelle vaj ullini
1 qepë e madhe (e imtësume)
50 gr oriz (i zier paraprakisht)
1 gotë sos domatesh
1 lugë e mesme biber t’kuq
1 lugë e mesme vegetë
1 lugë çaji oregano
1 lugë çaji hudhër pluhun
120 gr kashkavall (i grirë)

HAPI 1:

Laji specat mirë dhe me thikë preje mirë pjesën e bishtit. Pastroji specat prej farave. Në tepsi për pjekje vendos pakëz vaj, sa mos me u kapë specat

HAPI 2:

N’nji tigan fërgo qepën dhe mishin e grirë deri sa mishi të kavërdiset njitrajtësisht. Shto sosin e domateve, biberin e kuq dhe erëzat e shto orizin. Përzije masën mirë dhe kavërdise për 3 minuta.

HAPI 3:

Fillo mbushi specat me masën me mish t’grirë deri sa t’mbulohet brendia plotësisht. Shto sipër secilit spec kashkavall t’grirë dhe vends sipër secilit spec pjesën e prerë me bisht n’mënyrë që mos me t’u djegë kashkavalli. Mbështjelle tepsinë me folie alumini dhe pjek specat për 30 minuta n’180 C.

- ADVERTISEMENT -

REZULTATI:

Nëse i ndjekë hapat e masipërm, jemi t’bindun që pos pjatës – edhe gishtat ke me i lëpi.

E n’qoftë se je n’dilemë me çka me i shoqnu këta speca, ne t’i rekomandojmë me e provu sallatën italiane “Panzella” e cila nuk don shumë punë, shijon shumë edhe shkon me specat e mbushun. Kurse, n’daq me përfundu darkën me nji desert t’thjeshtë e fort t’shijshëm, përgatite Lava cake-un t’cilin e ke gati për 15 minuta. Shijo!

Mos thuj’ që s’t’kemi ba qare! /katror.info/

Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram: https://www.instagram.com/gurmaneria/

Speca t’mbushun për darkë, n’daq me i lëpi gishtat