Domatet janë teknikisht një frut sepse janë pjesët mishore të një bime që rrethojnë farat e saj.
Megjithatë, për qëllime ushqimore dhe kulinare, domatet konsiderohen si perime për shkak të shijes së tyre, përdorimit në vakte dhe përmbajtjes së lëndëve ushqyese, transmeton klankosova.tv.
Domatet janë të ulëta në kalori dhe ofrojnë lëndë ushqyese të rëndësishme si vitamina C dhe kalium.
Mundesh me e lexu edhe...
Ato janë gjithashtu të pasura me antioksidantë, një ndër ta likopeni, përgjegjës për ngjyrën karakteristike të domateve, i cili është i lidhur me disa përfitime, si zvogëlimi i rrezikut të sëmundjeve të zemrës dhe llojeve të caktuara të kancerit, shkruan Health.
Hulumtimet tregojnë se domatet në shumë forma, të freskëta, të gatuara dhe si lëng ndihmojnë në mbrojtjen kundër sëmundjeve kronike dhe mbështesin një mënyrë jetese fizikisht aktive.
Ato gjithashtu mund të ndihmojë edhe në mbrojtjen e shëndetit të trurit dhe në luftimin e sindromës metabolike.
Përmbajtja e ujit dhe fibrat dietike që gjenden në domate mbështesin hidratimin dhe lëvizjet e shëndetshme të zorrëve.
Domatet janë një burim i rëndësishëm i fibrave dietike të tretshme dhe të patretshme.
Përgatiti:
