Londra është shpallur qyteti më i mirë për vitin 2023 dhe është në krye të listës së krijuar nga konsulenca e pasurive të paluajtshme dhe turizmit Resonance për të shtatin vit radhazi.
Nga trajtimi i efekteve të Brexit dhe pandemisë globale deri te dorëheqja dhe emërimi i dy kryeministrave të ndryshëm, më pas jubileu i Mbretëreshës Elizabeth deri te një nga funeralet më të mëdha të të gjitha kohërave, Londra ka qenë relativisht qendrore në lajmet botërore për vitin 2022.
Por pavarësisht të gjithave, Londra është në krye të listës së qyteteve më të mira në botë për të shtatin vit radhazi.
Mundesh me e lexu edhe…
Resonance, e cila përpiloi renditjen vjetore, u fokusua në pesë kategori kryesore ndërsa analizoi qytetet kryesore në botë: vendin, produktin, programimin, prosperitetin e njerëzve dhe promovimin.
Ndër shumë karakteristikat e saj pozitive, Londra është vlerësuar për industrinë e saj “gjithnjë e më të guximshme” të kuzhinës, një “bum” në pronat e paluajtshme luksoze që sjellin disa nga qiramarrësit më të pasur në botë dhe turizmin e nivelit të lartë. Interesant është se Londra ka udhëhequr në hashtags në Instagram, etiketimet në Facebook dhe komentet e TripAdvisor.
Pas Londrës, Parisi zuri vendin e dytë, ndërsa në dhjetëshen e parë ishin New Yorku, Tokio, Dubai, Barcelona, Roma, Madridi, Singapori dhe Amsterdami. Të gjithë listën e 100 qyteteve më të mira në botë mund ta shihni duke klikuar KËTU.
Kievi u shpall qyteti më i mirë nderi dhe u cilësua si një “fener urban i guximit dhe qëndrueshmërisë”, pavarësisht konfliktit që po vazhdon prej 11 muajsh.
Përgatiti:
